18-05-2009, 12:30 PM
|
|
رجا الله المحمدي ورشيد بن معدي .
بين الشاعرين / رشيد بن معدي ورجا الله المحمدي
رجا الله ـ رحمه الله ـ :
رجا الله :
ياسلام ويامسى الخير ومن العايدين بارك الله في ليالي العرب وأيامهـا بعد وافق عام الألفين عيد المسلمين فرحة الإسلام تمت وحسن إسلامها
رشيد :
مرحبا ترحيبتن تبري القلـب الحزيـن عاد عيد أصحابنا في بلـوغ أحلامهـا عام الألفين أعربي والدول ترطن رطين الله إنـه ينصـر بلادنـا وإمامـهـا
رجا الله :
بارك الله فيك يابو معدي قول آمين دعوتي لـك لاوراهـا ولاقدامهـا خمني إنك ماتشوف الرقوم إلا بعين والعرب تقرأ وتكتب بروس أقلامها
رشيد :
أشركك في دعوتك وأنت ضمن المؤمنين وأهل الأرحام أنا ما قطعـت أرحامهـا النظر ممدود ياصاح ضمن الصالحيـن وأهل الأصنام تسجد بجنـب أصنامهـا
رجا الله :
البداية في بدر والنهاية في حنين وأنت خليت البرودة وجبت حزامها صارع الأيام واعمل لها دنيا ودين المطية تالي الوقت بيض عظامها
رشيد :
الله أكبر قايد السـؤ شيـخ المشركيـن والصحابة فوق راسـه تـرز أعلامهـا حط في وحدة رمل واترس الأخرى عجين واتـرك الدنيـا تفلـم بحلـو أفلامهـا
رجا الله :
وقعت وحدة وطارن ثلاثة وأربعين والمطوع كب تسعة وعشرة صامها لو أطيعك في علومك لحقت الأولين مير مسك مبتداها ومسك ختامهـا
رشيد :
أسرجت من يدك والله يعين المستحين الذلول إن عصفت ما لزمت خطامهـا لاتعـود سالفتنـا يـاراع القريتيـن مثل من سكينها فوق روس أيتامهـا
رجا الله :
روح جيب الحجة اللي عليها شاهدين لاتجيب اللي تشيل العرب وخيامهـا أنت ذباح الحسن وأنت ذباح الحسين وأنت نكبة شعب بغـداد ياصدامهـا
|