شاعر علـــم ... شاعر استطاع ان يلفت الانظار اليه بوقت قياسي قصير ...
لقب من كبار الشعراء بلقب .. عميد الشعراء... شاعر النقض والفتل .. شاعر الابداع ..
.............(الجــحــش)..........
اسم لامع بالشبكة العنكبوتية ... استطاع ان يكسب شهرة واسعه بميدان المحاورة ...
عرف برحابة وسعة صدره ... ودماثة خلقه ....
والكل يتمنى معرفة هذا الشخص الغائب الحاضر ... ومن هو الجحش ؟؟؟
شاعر جمعتنا معه الاقدار ... واصبح وقتنا ممل بدون تواجده ... اجبرنا حباً له بمتابعة كل محاورته ...
وبما اني واحد من جمهور هذا الشاعر ومن اشد المعجبين به ... يشرفني ان اطرح لكم محاورته التي جرت بشبكة بني عبس ... مع العديد من الشعراء ومن كبارهم ..
ليسهل عليك عزيزي القارئ .. الاستمتاع بمشاهدة اقوى واجزل المحاورات لهذا الشاعر الرائع ...
واليكم محاورات ( عميد الشعراء)..
محاورة (عميد الشعراء) الجحش مع (شاعر الجماهير) ناصر مرسال يوم الجمعه27 /5/2007
ناصر المرسال
سلام ياعزوتي يامزبنين الدخيل=يالشجره اللي علينا ضافي اظلالها
من شانكم ياربوعي يسهل المستحيل=وشعيل قدامها والجحش يبرالها
الجحش
يامرحبا وأنت ياناصر صديق وزميل=نيابتٍ عن رجـالٍ تعـرف افعالهـا
عطنا علومك ترانا مانخبرك بخيـل=والجحش لوالحموله ضلع يشتالهـا
ناصر المرسال
ماني زميلك لكن ليلك عبوس وطويل=حضرت بالليله اللي غايب هلالها
يالجحش بعض الاسامي ماوراها حصيل=وحنا نعرف الحمول ونعرف اجمالها
الجحش
يوم إجتمعنا سوى بالملعب المستطيل=اللي تجي منك تاخذ منـي امثالهـا
ابرك لحملك ترى حملك بوزنه ثقيـل=ياللي تعرف الخفاف وتعرف ثقالهـا
ناصر المرسال
انا ابمحل الرجال اهل الوفاء والجميل=والا انت من قوم فال الله ولا فالها
يوم الاسامي لها بين النشاما دليل=بعض الاسامي تضيق صدر من قالها
الجحش
لاوالله إلا قبسنـا نارهـا بالفتيـل=بعض العرب ماتقدّرمـن تحلوالهـا
اسمي بدا في سماكم مثل مبدا سهيل=والعالم الغيره اللي ضيّقـت بالهـا
ناصر المرسال
يالجحش لاولعت والله مالك دخيل=الناس تحفظ كرامتها ومنزالها
اسمك جحش والجحش يشفق على الحنظليل=والحنظله مالقينا غيرك اكالها
الجحش
جتك المقصـات يامستـر بلـر مانويـل=تسـديـدتٍ عالـمـيـه ماتصـدالـهـا
اسمي جحش وانت يالمرسال احطك اعميل=ارسلـك بقفايهـا وارسـلـك بقبالـهـا
ناصر المرسال
هذي مقصات عرفك يابو شامه وذيل=وهالحين قدام خلق الله تساوالها
اكبر مصيبه لقيت الجحش يصهل صهيل=يقلد الخيل ويهجرس مع اعيالها
الجحش
مالك مباتٍ بها الديره ولالك مقيـل=ياليت بعض الاوادم تقنع اشوالهـا
هذادليل ان ماني جحش والخيل خيل=لوتومي بروسها وتحـرك اذيالهـا
[/QUOTE]
وهنا عميد الشعراء ...(الجحش ) يلتقي بالشاعر عبدالله الأشرم ...
حصريا على شبكة عبس وذالك يوم الاثنين 21/5/2007
عبدالله الاشرم
خذهـا وذقهـا مـن يمينـي لاسـلام ولاكــلام=في منتدى قوماً تربـي نـوق ماتربـي جحـوش
اكلك حرام وكل عضـواً فيـك ياالوحشـي حـرام=وانته جحش وحشي لكن طبعك ماهو طبع الوحوش
الجحش
سلّم على ربعـك تراهـم يستحقـون السـلام=والا الجحش هجرس وزلزل بالكراسي والعروش
اليوم انا وأنت إخشرى بالزاد والماء والطعـام=مانختلف لويختلف بأمرالعرب تونـي وبـوش
عبدالله الاشرم
الربع تكرم وانت مبعد عن مجاليس الكـرام=ياللي خلقك الله تجيب اعفوش وتودي اعفوش
ماني خشيرك ياخشير ابليس ملعون الرسـام=لادين لاملة ولا مذهـب ولا وجـهً بشـوش
الجحش
عرجت بك معراج يالاشرم تحـت جنـح الظـلام=عانقت فيك المشتري باسرع من ارماش الرموش
انته تبا فرقا الجحش مير إلتحـم معـك إلتحـام=والا جمال الوجه عنـد ام الحلـي وام النقـوش
عبدالله الاشرم
عرجت يالجحش العرج وانت بظهر صاروخ سام=والطيربه ويطيربك ويفجرك في وسـط حـوش
حنا نسوقك بالعصا ونحط فـي خشمـك خـزام=اشبع من التفاح الاخضر ثم شـم ام القفـوش
الجحش
تضحك لو الناس بعزاء ياشريم لاكن ما تـلام=هاذي طبيعه والطبيعـه ماتغيرهـا القـروش
ترى الجحش خطرٍ عليك من الورى ومن الامام=ولياتقفيته تحوش من الحصيل اللـي تحـوش
عبدالله الاشرم
انته قصيره في شعيبه جعـل يسقيـه الغمـام=وعقلك يشوش ياالمشوش مثل تشويش الدشوش
انته يابو مسّاحةً تومـي مثـل ريـش النعـام=نرد راسك لذنبـك ونجيـب طابـور الجيـوش
الجحش
ماني قصيرك مير خل السالفه مسك الختام=بركه مدامنك معافا لارضوض ولا خدوش
ان عودة للمعركه والله لاشـدك بالحـزام=وانك لتاخذلك ليالي ماتنوش الارض نوش
عبدالله الاشرم
ياحامل الاسفار صوتك لرتفـع صحـا النيـام=ياللي على صوتك مع الصحراء يدلون الطروش
وجهك مجسم مرتبة سيكـل ومليـان عضـام=وليالهبتك في عصايه تمترح تقـل مخـروش
الجحش
اسمي نزل بكتاب ربي رب زمزم والمقـام=اسمٍ يهزاجبال ماهوبإسم دفش من الدفوش
ان عودة للوصف يالاشرم عليك الطير حام=نبانختّمها لإ جل بيني وبينـك ماتكـوش
[/QUOTE]
وهنا يلتقي ويجتمع مع شاعر الثقلين ... بالشقر
شاعر الثقلين
الأولـه والثانيـه والثالثـه والرابـعـه=والخامسه والسادسه والسابعه والثامنـه
(يامرحبا)والتاسعه والعاشره (والسابعه)=تنزل على ظهر الجحش(تلك)الليال الآمنه
الجحش
الاولـه والثانيـه والثالثـه والتابعـه=والخامسه والسادسه والسابعه متضامنه
والثامنه والتاسعه نمـرٍ كباراصابعـه=يرفعك رفعه ماتشوف النازله والطامنه
شاعر الثقلين
لادق زيـر الملعبـه بيـن الـهـوى (والرابـعـه)=(الجيم) قبل (الحاء) وحرف (الشين)نسخ(الثا.... منه)
والخامسـه والسادسـه ماهـي بـوزن (السابـعـه)=والجحش ماجـات المشاكـل كـل ابوهـا (ألامنـه )
الجحش
( تشقر) ( شقر )(واشقرشقر) والشقر) غن وتّا بعه=( واهديك حرف الكا) وحرف العين )حي مت ضامنه
اشترحـلال القـوم باغـلا مـال وان عصابـعـه=وانته بحرف الزاء ) وحرف اليا وحرف الطآ منـه
شاعر الثقلين
قال تعالـى : فـي كتابـه للعقـول النابعـه=" أن أنكر الأصوات" لا صوات الحمير الكامنه
ياحامل الأسفار في غاربـك حمـل ٍ طابعـه=لو فيك (سسته) تنكسر أميّتـك والضامنـه
الجحش
قال تعالى 0صم بكم اهل الجهل يامتابعه=والجاهل المستجهل الله يجهله من يآمنه
انا أحملك واوصّلك في درهمه ومرابعه=واللنش فيك اياسره جوف البحر وأيآمنه
شاعر الثقلين
أنا بشر وأنطق لكنك جحـش صلـب النابعـه=من عير صم ٍ بكم ياطا فـوق روس الكامنـه
أن شلت حملك عـادي المتطبعـه والطابعـه=جحشن على ظهره ( يصب ) السيل ماوضامنه
يتبع .....