مساء الود..
أخواني الأعزاء هذه القصيدة تناقلتها بعض المنتديات ولم تكتب كاملة..
وحرصا مني أقدمها لكم كاملة:
تدرين ليه المطر يشتاق لك يالرياض=من بين كل الفيافي والقرى والمدن
يبغى يفضفض لصدرك عن حنين الفياض=عن لهفة الشوق عن لحظه حنين وشجن
يبغى يبلل شعرك ويفترضك افتراض=ولا يجدل مساك وياخذك بالحضن
هذا المطر كل ماسيل حنيفه وفاض=قال لسحابه تدلل ياسحاب وتمن
ياشيخة الرمث حتى بارقه يوم ناض=ناض ولبس لك من الفرحه معم وردن
من يامن المزن لاعدا وقلتي تغاض=لا يحسب أنه ثراك ويحسب أنك مزن
الله وأكبر ليا صرتي حديث الرياض=كم مال غصنك وكم مره تلعثم غصن
يالي سمارك ثرى ليلة كساك البياض=ماكن ربي خلق بالكون غيرك وطن
فز لمهرك اربعين ومنكبين عراض=كلن يقول ابشري شلفى وسيف ورسن
شمتي لعبدالعزيز وماعليك اعتراض=نودك عذيه وريضانك مرابط حصن
يازعلتي تجافى من زعلك الحياض=وليا رضيتي تجاوزتي حدود الزمن