محاورة بين بوش وبلير
محاورة بين بوش وبلير
بلير
الله لايجـزاك بالخـيـر يـابـوش
ورطتنا في حـرب صـدام ورطـه
عزمتنـي تقـول بتـرول وقـروش
بس الحقيقة روحتـي معـك غلطـه
بوش
يابلير رد العلم عن بوش بن بـوش
الله خلقـنـا للمقـاريـد سـلـطـه
وابـوي عنـده للرياجيـل دنبـوش
كم واحـدن شلنـا فلوسـه ونفطـه
بلير
ابوك والنعمين مير انـت مربـوش
تمـوت بالبتـرول وتحـب شفطـه
صحيح عندك مال وسلاح وجيـوش
مير اتوقـع لـك تدهـور وسقطـه
بوش
يابلير كانك خفت يوم احتمى الهوش
حـرام ماتاخـذ مـن النفـط نقطـه
قبلك ترى شيراك قد راح مكـروش
شوفه يصـرح كـل يـوم بمحطـه
بلير
وراك ماتعطي لشيـراك عرمـوش
تـراه مشغلنـا بشيـلـه وحـطـه
واليا انتهى موضوعنا ترسل طروش
وتجّمع المبلـغ مـن الربـع قطـه
بوش
شيراك هذا عنـده الفكـر مغشـوش
فرط علي في مجلس الامـن فرطـه
يـدزه اليابـان والصيـن ويطـوش
ومجهـز الفيتـو لتحقيـق شرطـه
بلير
يابوش انا مرهق وخايف ومدهـوش
وانته تقول الحرب خدعـه وخطـه
اسراي واسراك امتلا منهم الحـوش
عز الله انه صابنـي منـك جلطـه
بوش
ماقلت لك كم فيه اذاعـات ودشـوش
لاتكشف المعنى وانا اقـول غلطـه
وان قالوا انا علوج واصحابنا جحوش
ماهمنـا الصحـاف واللـي يحطـه |
الله يعطيك العافيه ياالمتهور
بس رد بوش الاول
يابلير رد العلم عن جورج بن بوش
وليس بوش ابن بوش
تصحيح للمعلومه
وشكرا علا النقل