إن رحت عني راحت الروح مني
و ان جيتني رديت بالجسم روحي
شوفك يشيل الهم والحزن عني
وفرقاك يا مملوح يدمي جروحي
ألحاظ عينك في هواك اذ بحني
كلام صدق ولا كلام المزوحي
نيران حبك في الضمير اشعلني
ما تنطفي باسباب كل الجروحي
وقت القمر كل النجوم اطمسني
تضاعفت ما تنظر بالوضوحي
دونك خيولي في الطريق اعثرني
ردت بخسر و زاد بالخسر نوحي
ارماح فرسانك صحيح اطعنني
و انا قتيلك يا لحبيب الشحوحي
ليت الليالي في هواك اجمعني
بيني وبينك يا الغزال السروحي
خذني حبيبي في الهوى بالتاني
والطف بحالي يالمحب الذبوحي
شوف الليالي في ودادك قصني
واسخيت قلب لك غريم نصوحي