[وشلون مغليك]

اكبر جزاء ماقالي من جوابه
العام يبكيني وانا اليوم اببكيه
لاوالله الله اشتد بي صوابه
وزريت للقالي طبيب يداويه
ابيات للوالد رحمه الله وانا رديت عليه واقول /

______________________________


وش السوال اللي حكى لي جوابه
هاك النهار وأمس واليوم نطريه

كل العموم لاقلت وش حكابه
قالو شجاعه وطيب كرم يوازيه

وعمده شيخ وزكاه بختم جابه
وكل البشر لاقلت محد يخليــــــــه

وزود القصيد اللي شرح ياهلابه
مدح وغزل وحكمة في هقاويـــــه

وهرج وسوالف ودله بوسط لابه
وأذان واقامه وصلاه بصحوة لياليه

ياناس هي كذا بذمتي لحسابه
محسوبه حسبة اخ لحب اخيــــــــه

اغلى من الثنتين واغلى ابوابه
واغلى من الروح لبيــــه لبيــــــــه

عمري صغير ومات بعزة غلابه
ناس يصيحون وناس غدو فيه

راحت الدنيا بجهل وسرعة عجابه
وراحت الدنيا وانا خاطري فيــــــــه

يارب هذا مناي وهذا صوابه
انك دخله جناتك لكثرة دعاويـــــــه

وتسيل على قبره سحابه سحابه
وترجع عليه وتسقيه وترجع عليه

تدرون عاد وش سؤالي لجوابه

مات قبل ادش الصفوف الاوليـــه

الموضوع الأصلي: قصيده رد لبيتين من قصيدة والدي رحمه الله | | الكاتب: وشلون مغليك | | المصدر: شبكة بني عبس