اسمحولي ان اقدم اليكم هذه القصيده لشاعر/ معيبد صالح الشويلعي ( ابو متعب ). والتي عبر بها عن مشاعره عندما ارسلت له هذه الصوره وهو في منطقة الحدود الشماليه. واضفت في المرفقات القصيدة مسجله بصوته.
[IMG]
[/IMG]
وقت الغروب ومنظر الشمس والبيت=ولون الشفق والبيد يعطي معــــــاني
الديره الي عند اهلها تربيــــــــــــــت=ماكن مربنا عليها الزمــــــــــــــــاني
غادرت موطنها وعنها تنحيـــــــــــت=على الشرف ماهو على شي ثــاني
يا ما على طيب ثراها تمشيــــــــــت=ويا ما بها ضاعت وحققت امـــــاني
لو هو بودي كان فيها ستقريــــــــت=لاكن ضروف الوقت عنها تحــداني
سجيت مع ذكر السنين وتطريــــــت=يا مقشر الغربه وبعد المكــــــــــاني
صوره وانا في محتواها تماديــــــت=اشوف وقتي وش خذا وش عطاني
لقيت فيها احساس وابديت واخفيـــــت=قفلت بابه وقلت شانه وشـــــــاني
يا دار مهما غبت وبعدت وبطيــــت=طاريك دايم مايفارق لســــــــــــاني