[خليف الوهيداني]

[POEM="font="Times New Roman,5,black,bold,italic" bkcolor="transparent" bkimage="" border="none,4,gray" type=0 line=1 align=center use=ex num="0,black""]سلام ياللي جعل الانذال تفـداك=يالشامخ اللي مثل هضبت طميـه
من اي ناس تكون شعري تنصـاك=طارن طرى من ضيقت البال ليـه
لوطبت مره بس وحـده بدنيـاك=في وقفت(ن)حليت فيهـا قضيـه
عندي انا ياطيب الفـال كفـاك=حتى ولو جيتك ولا طبـت فيـه
وسلم على اللي ماتجمل بيسـراك=لا بالكـلام ولا مواقـف حميـه
مشكور ياللي تكتب المدح منـاك=وسام منك وعندي اكبـر هديـه
ابا امدحك لكـن مانـي بويـاك=حصر المدايح فيك يصعب عليـه
يسراك ماتدري عن انفاق يمنـاك=لنك من ابنا شيوخ نجـد العذيـه
شف الشعر وشلون من بعد ناجاك=في خطتـه وسـراره الداخليـه
على النقى والعز والطيب حيـاك=ماله ورا ماقـال مقصـد ونيـه
نطق السان ونيت القلب تخفـاك=والله عليـم البيـنـه والخفـيـه
ويمكن من القراب تطلع لك أعداك=وكل الحياه تـذوق منـه الاذيـه
وتموت ماجيتـه بابيتـه ولاجـاك=ويفرح ليا شافـك بحالـه رديـه
وفي كل مجلـس بالمسبـه تقفـاك=ونفسه على نهرك وسبك جريـه
لو أنت ماتبخل عليـه بعطايـاك=يبحث خفاك ولا يشوف العطيـه
ويمكن بعيد الناس بالفعل يرفـاك=وياقف معـك بالهينـه والقويـه
من ماسمع في حزت الضيق شكواك=وقت الرخا كل(ن)غني عن خويـه
واللي تشوف مناه بعدك وفرقـاك=أبعد عنه لو عشت بارضآ خليـه
أبعد عن الا نذال قربك وممسـاك=لو رحت في دار المعـزه ضحيـه
وأحسن بامن حولك وربعك نواياك=.ولايزملك مـن نيتـه شقلبيـه
وأصبر ورب الخلق بالخير يجـزاك=كم واحدن شاف الفرج من وليه
يالادمي لو تحترص مـن خطايـاك=ان ماحمـاك الله وطيـت الخطيـه
أمش بطريق الصدق والله يحمـاك=ومن الخطايا النفس ماهـي بريـه
ويالشعر أنا في بعض الايام لولاك=ضاقت عليه مـن جميـع النحيـه
لولاي أجر الصوت وسرج مطاياك=وفيك أتوسع عن همومـي شويـه
ماقام حظـي لا هنيـا ولا هنـاك=ولا سقت مع صف النشاما المطيه
ولو ماحسبت حساب منا ومنـاك=عشت العمر من دون دار وهويـه
ويادرب يادرب الردا مامشينـاك=ونفوسنا عن رفقت أهلـك غنيـه
ويالازام اللي بالعسـر ماقضينـاك=ماانت بشهـاده لنفـوس الدنيـه
يالازم أنقوم بك لا مـن قدرنـاك=ونجعلك يالازم بوجهـك هديـه [/POEM]

الموضوع الأصلي: وسلم على اللي ماتجمل بيسـراك | | الكاتب: خليف الوهيداني | | المصدر: شبكة بني عبس