السلام عليكم ورحمة الله وبركاته ..
احببت ان اقدم هذه الأبيات المتواضعه مع بعض شخابيط ذهنيه عابره
اتمنى ان تنال على اعجابكم
مدخل
خذني بعيد وخلني اجلس على الشاطئ وحيد = واداوي جروح الضمير اللي سببها خنجرك
حينما لا تستطيع التعبير عن مشاعرك ؟
احبك بس ما اقدر اقول اني احبك موت ؟ = لأني شايف ٍ هالكلمتين اصغر من اشواقي
تصدق بأن قلبي في غيابك صاير ٍ تابوت ؟ = دفن فيه الفرح والحزن فيني يحرث اوراقي
قصيدة الموضوع
العود يحرق وموته فرصة المبخر ؟ = بالطيب وانا سواته يحترق صبري
ويا هم لونك على غصن الفرح تسمر ؟ = تقطف ثماره وتوقد بالثمر جمري
يبقى حبيبي طيوفه دايم ٍ تعبر = مابين رمشي وحجاجي والغلا يجري
الى كفوفه وبعثر حرفة الدفتر = وخطوات جرحي تسارع تلتحف حبري
كم سنبله في رمال الضلع به تثمر = حصادها الأه والهجران والقهري
ويسقي ثراها الجفن لامنه اتحجر = ثم انفجر والرعد يدوي وسط صدري
يبقى كما صرخة ٍ في وقتنا الأسمر = ويبعثر اوراق فكري كل ما يطري
مخرج ..
وش فيك ضايق ليه تزعل حبيبك ؟ = اللي صدمته يوم تعلن بفرقاك
ملكت قلبه بأدعائك لطيبك = واثرك اناني تهجر اللي تمناك
الهم حظه والفرح من نصيبك = وانته ذبحته يوم تعلن بفرقاك
وسلامتكم
ارجو ان تنال اعجابكم القصيده والشخابيط