السلام عليكم ورحمة الله وبركاته
هذه محاوره بين
صميدع الرأس
×
سهــــــــيل
صميدع الرأس
من هجوس الشاعر اللي ما نشد من هو قبيله
مرحبا في مرحبا يأصحابنا والدرب شامي
عزتي للي يبا يسري و هو ما هو دليله
أشهد إنها ضربةً تكسر قويات العظامي
سهـــــيل
من هجوس الشاعر اللي معه حيل ومعه حيله
البقاء ياللي ترحب عـل منـا لـك سلامـي
أصبروا يا أصحابنا والكل يكشف وش حصيله
ضربتك ضديتها بالدرع وأيضاءً بالحسامـي
صميدع الرأس
شد حيلك وانتبه لاتنزل بوسط المسيله
ثم تصبح سلعلة ماهي تباع ولاتسامي
مالفيت السوق غار الا على شان الاصيله
والسلاح مزهبينه والذخيره فالحزامي
سهـــــيل
ما ش قدمك غير سبعً منزله فوق الطويله
وإنزل يصطاد صيده بالنهار وبالظلامـي
أنت جيت بحمل تبغاء تعود بحملً تشيلـه
تاتضيع مقصدك ويديك ينـسً المرامـي
صميدع الرأس
انت قدمي بالطويله مار انا ما ارضى الفشيله
والسبع لابد ماينصاد لامن جاه رامي
الحمل يشتاله اللي اعترض قدم المخيله
مادرى ان الصقر له منسر وله مخلاب دامي
سهـــــيل
ياصميدع كيف تنطح قوم وسيوفً صقيله
وأنت سيفك من عنى الأيام فيه الإنثلامي
لا تقف قدام خشم السيل ثم يغديك سيلـه
كم رجلً جاه موته منه يومً جـاه ظامـي
صميدع الرأس
الرجل كانه شجاع يضد له قوم وقبيله
وصميدع راس عقبه لاتفكر بالمنامي
مانشوف السيل والليله نبا بنت الكحيله
مهرة نفتكها بالسيف من يد الحرامي
سهـــــيل
أنت مثل اللي تحدا القوم ثم جاء فيـه ميلـه
مالقوا له صوله ولا جوله بوقـت الزحامـي
الكحيله ياصميـدع دونهـا إسيـوفً سليلـه
في حمانا ، وأنت ماعندك حماء من قبل عامي
دمتكم بود ،،،،