يشرفني ان انقل لكم
محاوره بين الشاعرين
شاعر عبس الكبير
عبدالله الاشرم
و
الشاعر الكبير تركي الفين
موال وطاروق
البدايه
عبدالله الاشرم
***
ياتركي الالفين قرب نبى نلعب معاك
تحمل اللي جاك منا وهات اللي وراك
وانته تمنى يالمطيري ولا تلحق مناك
واقول مال للحمله الا ظهور اجمالها
******
ولد مولود يوم اثنين شهر اثنين عام الفين
وانا مولود عام الف وثلاث اميه وسبعيني
فلسطين الحبيبه وسط قلب اللي بقلبه دين
اسيره والسبب ياسر عرفات الفلسطيني
*****************
تركي الفين
***
يالله عسانا يوم نسعى نوفق بالسعي
والادمي له عين تنظر وسمعن تسمعي
واصلك يالاشرم وابعطيك كل اللي معي
واقول مال للحمله الا ظهور اجمالها
*******
تقوله وانت ياعبدالله الاشرم على وجهين
وانا ما اقول قول الا مثبت بالبراهيني
تقدم للجهاد ان كان وانك من رجال الدين
لو انك ظنتي مانته مصلي بالمصليني
*****************
عبدالله الاشرم
***
انا ادري انك من رجالن يسدون اللزوم
تاقف وتطلع طلعت اسهيل من بين النجوم
تجيبها بالماص الاحمر ماهو حب الخشوم
واقول مال للحمله الا ظهور اجمالها
*********
والا ياصحابنا اللي وضعكم حبحب على السكين
لكن الحبحبه حبحبك والسكين سكيني
موديلك راح يالددسن والك سكبه وبدين زين
ولكن فيك تفتفت البلوف ولك دخاخيني
*****************
تركي الفين
***
سبحان رب الكون علام مالانعلمه
اللي بعض خلقه وجوده يشابه لعدمه
لكن ياكثر القضايا بوسط المحكمه
واقول مال للحمله الا ظهور اجمالها
انا ماودي اغلط والغلط بالناس ماهو زين
عسى ربي اصحبنا بالعسر والليني
وسلامتكم