هذه المحاورة دارة بين الشاعرين الشاعر ( يوسف محمد الحربي ) والشاعر ( فرحان منصور الرشيدي بحفل زواج الشاب حييي محمد الرشيدي الموافق 6/8/1429 هـ بمدينة " فيضة أثقب " بمحافظة الغزالة بحائل
يوسف محمد الحربي
سلام يا أهل الوفاء والسلم والجيرة =وأنا من العام وأنا أمدح بجيراني
فرحان له مدتةٍ غايب عن ألديره =نشدت لما تبرأ منــــي ألساني
فرحان منصور الرشيدي
يا مرحبا داخل الحفل بجماهيره =تحيتن ما تخص فلان وفلاني
فرحان ما هي قريبةٍ مشاويره =واللي ينشد عنه ما هو بغلطاني
يوسف
فيك البقاء وأنت شاعر طيب السيرة= فرحان بك وأنت يا رجال فرحاني
فرحان لو كان يكثر في معاذيره =متعرضٍ للحروب بكل الأوطاني
فرحان
ما فيه شيءٍ بلشــــــنا بتفــسيره= والناس تلقاء بها راضي و زعلاني
ما كل حربي غلب شره على خيره =الأرض يمشي بها مسلم ونصراني
يوسف
أنا أدري إنك ولد خير تبا الخيرة= تمرني مير ما تقدر تعداني
أختامها طيب للشعر وجماهيره= وبين وبينك لقاء في موعدٍ ثاني