انـا احمـدالله مـا تبينـت بثـلـوم=اول شباب وتالـي الوقـت شايـب
من خلقتي وانـا بعيـد عـن اللـوم=ولاني على جاري كثيـر الطلايـب
ولاني من اللي ينقـل الكبروالـزوم=ولاني من اللي يسهجـون النوايـب
ولاني بسب الناس يا علـي ملـزوم=ولا وجه المعنى على غير صايـب
عقلي حفظه الله بالاظلاع مضمـوم= ولا فك ديوانه علـى كـل خايـب
يا علي خلك بالسعـه وابعدالحـوم=والرزق عند اللـي يديـر الهبايـب
الحر حـر ولا يوقـع مـع البـوم= حـر مخاليبـه شطـار عطـايـب
ربعك هل الطولات ذباحـت الكـوم= اهـل المـروة مكرميـن القرايـب
ارباعهم يجلس بهـا كـل شغمـوم= وسوالف يـا علـي تاتـي غرايـب
بنـي رشيـد مزبنـة كـل مظيـوم= على المهـار وموميـات الجنايـب
الجار معهـم مكـرم دايـم الـدوم= يرفا خمالـه لـو يجيبـه عوايـب
يجلس بمجلاس الشرف وهو محشوم= وستر لعاراته اليـا صـار غايـب
والناس تمشي في قوانيـن وسلـوم= وكل على الطوله يحـث الركايـب
والمرجلة بين العرب حـظ وقسـوم=حظ من الله مـا تجـي بالغصايـب
فديغم بن خنيفرالرويضي