[ولــد خــلف]

السلام عليكم ورحمة الله وبركاته

بدون مقدمات إليكم ..

الشمعه اللي كانت ..

[POEM="font="Simplified Arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]انسي يابنـت وسـوي اللـي تسويـن=ماهـي نهايـة دنيـتـي لانسيـتـي
يعني خيانـه شـي عـادي تخونيـن=لامـال لا راسـي ولااهتـز صيتـي
عن العواصف مادرى سـور برليـن=سكّـر وراك البـاب يومـك مشيتـي
تكسـرت كـل القـيـم والقوانـيـن=وماعـاد هقواتـي مثـل ماهقيـتـي
بعيـش باقـي مابقالـي مـن سنيـن=وحيـد لكـن (حـر بحـدود بيتـي )
انا مسافر بـس مـدري علـى ويـن=عكس اتجاه اخطـاك دامـك مشيتـي
ابعد مـن احـلام الأمـل والبراهيـن=وابعد من ( الصدق بفمك لاحكيتـي )
يامدلهه عمرك علـى حظـك الشيـن=يامانّـه مـداتـك الـلـي عطيـتـي
لاتاخذيـن الحـب صدفـه وتخميـن=الحب واضـح وانتـي اللـي بديتـي
زيف المشاعر غير صـدق المحبيـن=وحبك غلـط ياللـي لذاتـك شريتـي
قولة هلا .. يانور عيني .. على مين !=قـد انتهـت عنـدي مثـل مانتهيتـي
فيـك البقـاء ياهـم شعـري وتبقيـن=ينفعـك مـن عنّـي عليـه ارتكيتـي
ومادام نوم العيـن قـد جـاز للعيـن=ولاعاد انشّـد ويـن رحتـي وجيتـي
خلاص روحي وعشقي من تعشقين=ذنبـك هدمـتـي مابقلـبـي بنيـتـي
فتره ..ومرت..ونتهـت ..والله يعيـن=( شمعه وذبتي لين حتـى انطفيتـي )
[/POEM]

الموضوع الأصلي: الشمعه اللي كانــت ... ! | | الكاتب: ولــد خــلف | | المصدر: شبكة بني عبس