بسم الله الرحمن الرحيم
السلام عليكم ورحمة الله وبركاته
هاذي محاوره بين الشاعر ناصر خنيفر (العمده) والشاعر المعزب
العمده
اقربو ياحزب ابو خالد مع امار الكتايب=ودعو الافراد يوم المعركه قرب خطرها
داام راسي حي ماحطت على راسي نصايب=غير اطوع شرذمه عييت لخلص من قشرها
المعزب
قرينا باالخير خير وباالقشر شر ومصايب=قوم مايجهلك باالماضي وباالحاضر خبرها
وانت من عادك شبابي لين صرت اليوم شايب=ماصفتلك يابو تركي مير لاتركض بثرها
العمده
والله اني مابغيت الطق في ريف الركايب=مار شد الحيل يوم المشكله جيت بنحرها
باغن الريس وسبعً جر صوته باالجذايب=والمعزب مابغيته ينقل الجرح وحمرها
المعزب
خربو صلح الحفر ربع الحفر وانت السبايب=شقو اوراق القضيه قبل لايكمل شهرها
والمعزب لاغزيت الربع ذولا جاك نايب=مايتخلا عن قضية ربعه الي ماخسرها
العمده
تعلمون الحرب خدعه ياعريبين النسايب=وكل حفرت سؤ ياقع وسطها شخصن حفرها
انت في وقت العجايب لاتعجب ياعجايب=حضر شهودك وجيب المحفظه ويا صورها
المعزب
دامها هاالشكل هبي فوق راسه ياهبايب=والوعد قدام والمزنه على راسك مطرها
والله اني ماتعجب فيك يادنيا الغرايب=عارفن درب السهل قدام لاقع في وعرها
العمده
الهبايب لو تهب يركده وبل السحايب=بقدرة الي غرق الطاغوت في غبت بحرها
انت صادمت العقيد الي تعود للحرايب=كم غزيه روسهم في مصمد البيداء نثرها
المعزب
حاضراً خط اليمين وصورته والصوت غايب=حيتاً تلسن ولاكن عادها داخل جحرها
عام الاول يابو تركي تجدة فيك النجايب=والعرب في حضرتك ياالشايب بعيدً نظرها
العمده
جابك الله منفرد مثل الذلول ام الجنايب=وحذفوك بسربتن مايخطي الشاره نظرها
عام الاول وانت تحلف عن جميع الحرب تايب=وهسنه لاجيت لك ديره تلوى في شجرها
المعزب
المعزب ماخذا عليك ياالعمده ضرايب=وان عصيت الامر سلمتك يابو تركي خفرها
احمد الله عام الاول يوم خلينا الحلايب=لاتموت من العطش والجوع في قاحل ديرها
وسلامتكم