الايام سالم شيلي الصوت وانا اشيـل=انا اشيل دامك يـام سالـم تشيلينـي
ماضني هـذا تسبيـح لالا ولا تهليـل=انا واثـق انـك يـام سالـم تغنينـي
لحونك تقول اتقول لي شل عليك الميل=وانا اقول كل اللي تحبين مـن عينـي
ولكن ابي تبقين حتـى دخـول الليـل=وبعده تراك مسامحه لـو تروحينـي
جمعنا هدفنا اللي مايحتاج لـه تحليـل=هيام القوافـي يـوم مثلـي تهيمينـي
بوادٍ من الوسمي وهو كل يوم يسيـل=لما صار نبته مثـل نبـت البساتينـي
وجوٍ لطيف يداوي اللي ماهو بلحيـل=على الحرام انه هـو اللـي يداوينـي
انا يام سالم كل مسمع لحـن جميـل=تجيني منه عـدوى قويـه وتعدينـي
ولا طيب منها لين اسرج بنات الخيل=مهارٍتجيب الكوس وسـط الميادينـي
مهارٍ مايقدر يحتكـم فوقهـن اخبيـل=طلايع وشـب ومترفـات ومزايينـي
تغيض الردي وتهيض الطيب الحلحيل=لياجن مع المضمار مثـل الشياهينـي
وترى يام سالم من تسمع لقال وقيـل=فتح باب تدخل به جميـع الشياطينـي
ويصبح بعقله كل كلمـه لهـا تاويـل=ويزيـد اختناقـه وابتعـاد المحبينـي
لكن جعل رب الروم والغاشيه والفيل=يزيح الستاير عن وجيـه المحابينـي
وينزل علينا الغيث ويدمـر سرائيـل=نصلي بالاقصى تحت حكمٍ فلسطينـي
وسلامتكم
محمد سلمان الو
هيداني