[عبد الرحمن خضير]

[POEM="font="Simplified Arabic,5,black,bold,normal" bkcolor="transparent" bkimage="" border="double,6,darkred" type=2 line=0 align=center use=ex num="0,black""]لبيه ياصوتن بعيدن ينادي=صوتن يحرك خافقي بين الاصوات

صوتن طوى معه الجفـآ والبعادي=صوتن خطف سمعي وأنا بين الاموات

صوتن نشلني من جحيم وسوادي=تنقاد له روحي بسمع وطاعات

آبوصفه لكن بعكس المبادي=النار والماء والهواء والمحيطات

فيه الدفـآ وأعذب نسيم البرادي=فيه الربيع وفيه خير السموات

فيه الليان وفيه روح الجهادي= هو مبتداي وصار كل النهايات

فيه التشتت وآنصهار الجمادي=ومن القسـآ يحمل طبوع وليحات

فيه الخضوع وفيه كل العنادي=متناقضات اصبحت فيه ميزات

له غيبتن كانت سبايب سهادي=وأول سبايب طيحتي والمعنات

غاب ونسى آنه شقوتي والمرادي=وبغيبته قفت ليالي المسرات

ياضحكتن تآسر عصي الفوادي=من سمعها يطلب وصول السلامات

ويابحتن بصوت تجلي الرقادي=تذوب بحروف الهجـآء والعبرات

مانيب متوهم بسمعي وغادي=بينه وبين أصوات غيره مسافات

ماله مثيل بالحضر والبوادي=يعني مميز(وسبيشل)باختصارات

هون أنخلق فتنه لباقي العبادي=وأنا أنخلق في داخلي صوت مامات[/POEM]

الموضوع الأصلي: لبيه ياصوتن بعيدن ينادي..... | | الكاتب: عبد الرحمن خضير | | المصدر: شبكة بني عبس