قصيدة من نوادر القصيد للشاعر خلف بن هذال العتيبي
احببت ان اقدمها لكم لعلها تحوز على اعجابكم
يا لله بمانـك مـن النكبـات تامنـا
والـدار بحمـاك تمنهـا وتامنـهـا
لأوامـر القائـد الا علـى تمثلـنـا
أرواحنـا فـي سبيـل الله نعربنهـا
بقيادة الفهد شلنـا الصـوت وأذنـا
علـى المنابـر تلـج ابنـا مآذنهـا
وإن كان صاح الفهد صاحت قبايلنـا
بالصيحة اللي جميع الكـون يذعنهـا
صيحة ندى والفـدا فـن ولنـا فنـا
فينـا فنـون المعـارك ونتفننـهـا
وإليـا نخانـا ولـي العهـد ثمـنـا
النخوة اللـي علـى الوقفـة نثمنهـا
حوله ومن حول من حولـه تكونـا
جزمه ولزمـه وضربـات نعينهـا
وإلى اعتزى النائب الثانـي تزهلنـا
لمصامخ المعتدين وقصف أماكنهـا
والمملكة في حمانـا حيـث ماكنـا
بالـدم نسقـي ثراهـا وانتحضنهـا
فرض علينا وعهد قد مضـى منـا
إنرد بالنـار هجمـات العـدا عنهـا
صنا المشاعر عن أشرار العدا صنـا
عنها الشوارب إلى فتلـت نحسنهـا
مكة وطيبة لنا والنا وغضـب النـا
ترسانـة الديـن للعالـم نترسنـهـا
على الجزيرة بحزم وعـزم هيمنـا
تفخر بنا فايسـر العربـان وايمنهـا
بالعدل والعرف والحكمـة تسلطنـا
نترك كثير الامور ونأخـذ احسنهـا
لاهانت بـلاد اخونـوره ولا هنـا
الجوخه اللـي لبسنـا مـن بطاينهـا
دار ربتنـا وضمتـنـا وفضلـنـا
المـوت فيهـا ولا نجـس يدرنهـا
دار علـى خدهـا الطاهـر تمكنـا
فيها ومـن فوقهـا نحفـظ توازنهـا
يا دار طير السعد والعز لـك غنـى
حلـو الأناشيـد بأصوتـه يلحنهـا
يا دار ما تقتحمـك الأنـس والجنـا
دونك عيال تفـادي عـن مواطنهـا
ذباحة الحيل وأهـل الهيـل والبنـا
نطاحـة القـوم حمايـة ظعاينـهـا
في سوق جاتك ماهوب بسوق هونـا
تحمى علمها وإلـى ماتـت يكفنهـا
إن دندنـت طبلـة الحـراب دندنـا
بآيات حـق علـى وبـلال دندنهـا
كم من حريب تـورط فـي حبايلنـا
حبايل من اسلـوب الحـرب نتقنهـا
جاك . امتنكس ويخسر من يراهنـا
مثل الذبيحة بأسافلهـا نكـر عنهـا
واليادعا من يشيل الحمل لـه شلنـا
ارقابنا في حياض المـوت ترسنهـا
وحنا على جبهـة الغـازي تكامنـا
حاضر بحاضر عدانا مـا نعاينهـا
وحنا ليا عدت فعـول العـرب حنـا
انسانـد العـرب وندعـم تضامنهـا
وحنا اليا انحلـت الآسـرة تعاونـا
وقمنا على جمعها حتـى نحصنهـا
وحنا ليا اشتـدت الأزمـة توصلنـا
على حلـول العقـود اللـي تهونهـا
وحنا ليـا جاتنـا الغلطـة تحملنـا
الاولـه نبـاع الغلطـه ونعلنـهـا
وأن جاتنـا الثانيـة .. لا ماتماهنـا
بالسابقة نسحب الأخـرى ونقرنهـا
وراعـي الغلـط معقـول ومثـنـى
يلقـي الحقايـق وبعيونـه يعاينهـا
نسمـع بنبـح الكـلاب ولا تجننـا
الكلـب لـه حربـه بكـره نسننهـا
من دون صهيون .. بذتنـا صهاينـا
تكفـر بالإسـلام وتركـز كماينهـا
الله يا الأنـذال يقلـع رمسكـم عنـا
اطماعكـم عندنـا بانـت بواينهـا
مع منكرين الصنيع أمست محاسنـا
سيات تحكي بـه العـدوان بألسنهـا
واليا تضايق غريـب الـدار يزينـا
تدمغ له الروس وأن طالت نطمنهـا
لوهي تليـن الجبـال الصـم مالنـا
على الحقوق ارتكينـا فـي ممكنهـا
يا شيخ جابر لـك الله مـا تهاونـا
الفهد يأكد لـك العـودة ويضمنهـا
ياشيخ والله زعلـك اليـوم مزعلنـا
والمهزلـة والمهونـة مانواطنـهـا
ابشر بنصـر يشيـد فـوق ويبنـي
بأيـدي رجـال محكحكـة معادنهـا
ترجع لدارك وهذي مـن صمايلنـا
خطـوة وسطـوة وتاريـخ يدونهـا
ما دام معك الفهـد لا يلحقـك ظنـا
أبشايـة الله كويتـك لـزم تسكنهـا
والقصر دسمان تجلس بـه وتتهنـى
لابد مـن فرحـة تطفـي غباينهـا
صدام .. لا تحسب أن الحرب يجهلنا
حنا هل الحـرب والكلمـة نبرهنهـا
بالغش يال*** والخدعـة مباطنـا
تطوي سيورك على الفتنة وتدهنهـا
بمعاملات اليهود .. اثـرك تعاملنـا
تطمع بجارتـك يالخايـن وتطعنهـا
سلب النسا وانتهاك العـرض غابنـا
اعمال سوء لـك الشيطـان زينهـا
مخزي ومذنـب ولا تقـدر تقابلنـا
تجمع فرايسك يا لحصنـي وتدفنهـا
صبحت معروفنـا وامسيـت خاينـا
بغـداد تلعنـك يالفاجـر وتلعنـهـا
جاني وفي المجتمع منبـوذ ومجنـا
شعبك بري منك والنخوة بري منهـا
كفك ملطـخ بـدم الشعـب ومحنـا
ما عاد تنظف يمينك لـو تصوبنهـا
حنا حميناك يـوم اعلنـت واعلنـا
بالحرب جتك أسلحتنا من مخازنهـا
بالمعركة لك ثمان اسنيـن مشغلنـا
ولـك القوافـل مداومـة مكاينـهـا
هذا جزى مـا فعلنـا مـن جمايلنـا
تحشد علينا جنودك وانـت خاينهـا
لك يوم محتوم تصغر بـه وتتمنـى
ما كنت فوق الوجـود ولـك نقننهـا
عليك باسم الله اكبـر مـن تضامنـا
بالأرض سبع الفواسق وانت ثامنهـا
ياشعب دجلة ترى موطنـك موطنـا
لا ترخص الروح للمجرم وترهنهـا
احسن تقولون : سل السيف واقتلنـا
في حكم مجنون لا يأمـر ولا ينهـى
الواجب انك على وصلـك تواصلنـا
ازحف على طغمة الطاغوت واطحنها
والياقمعتـوه لا عـرج ولا ثـنـى
نقص على ظاهـر الدنيـا وباطنهـا
خلف بن هذال منقول