شاعر الكويت ...الكبير والمرحوم ..
مرشد سعد البذال الرشيدي
قبل وفاته الشعر يجري بعروقه وهو عطى الشعر اهتمامه وعطاه حقـــه
قال هالقصيده والنصيحه ويصـــف دنيـاه وحياته وهو في غرفة الانعــــــاش ..
يـــــــــــــــقول
يحول اضن الحـق جتنـى طروشـة=جتنى مطاليبـة وانـا عنـه منحـاش
اليـوم كـن بداخـل الجـوف هوشـة=مثل اختراش الزلم فى داخلـي جـاش
ياللة عسـا عفـوك ولطفـك نحوشـة=يالله بحسن الخاتمـة عنـد الاقـراش
دنيـاك لوتعطيـك زيـن المعـوشـة=تالـى دعاويهـا تعـود علـى مـاش
يامـا خذينـا بـاول العمـر شوشـة=وياما مشينا مـع مضاهيـر وادبـاش
فـى خايـع وبـل الثريـا رشـوشـة=نجنى الزبيدى فى صحاصيح ودشـاش
وياما جلسنا مـع مـرودع رقوشـة .=فـى سهلـة ماحدرنـا زل وافـراش
فى وسط روض مخضـرات خفوشـة=نبتة جديـد ومبعديـن عـن الطـاش
خلـى يكلمـنـى بنـفـس هشـوشـة=بس العجوب وعرضة انظف من الشاش
نبـنـوب لاخبـلـة ولا بمخـروشـة=عنـق الغـزال مذيـرة زول حشـاش
لاشك من طـول الغيـاب محشوشـة=تونس معاليـق مـن الهجّـر عطـاش
اسرار فى وسـط القلـوب مخشوشـة=بيـن الثنيـن ولادرى عنهـم الـواش
ربعـت وفـا والا السلـب مانحوشـة=مانى لوجـة معـذب الحـب خمـاش
واليوم مالى مع هـل الصيـد نوشـة .=عطيتهـا غيـرى بـلا غيـر ببـلاش
عند الطبيب وصـار عنـدى وحوشـة=ومن الاقامة صابنى خـوف واخـراش
هالحين شفنـى نايـم عقـب دوشـة.=اصلب عظامى وكن بالحيـل هشهـاش
خليـت ديوانـى وبيـتـى وحـوشـة=اليـوم شفنـى ساكـن دار الانعـاش
والله يـــرحمك يامرشد البــــذال بواســـع رحمــته
واسمحولي على القصور