قصيدة ترحيبية بالبغيلي والدويله
يسعدني ويشرفني ان اصافحكم بهذه القصيدة التي القيتها في حفل بني رشيد بالمدينة المنورة ترحيبا بالضيفين القديرين الشيخ / فايز البغيلي والاستاذ المهندس / مبارك الدويله مؤسسي منظمة عبس العالمية
يا مزنة الترحيب لضيوف المدينه امطري = أزكى تراحيبٍ تعانقها ورود امعطره
بأسمى تحيه من غلاها بالذهب ما تنشري = تضفى على اضيوف الحفل واللي تعنى وحضره
ترحيبةٍ تاقف بتاجٍ تستعد وتحضري = قدم البغيلي والدويله في وفاها امحضره
حضرتها لأهل الوفا اللي للمعالي تنظري = لوهي علت يصلونها لوكل جوٍ تشهره
الطيب منكم لابسٍ واصبح بطيبه يظهري = لأن الوفا راس البغيلي والدويله مصدره
بعيونكم كل العظايم ياالنشاما تصغري = حتى ولو هي كايده لحظه تصير امدبره
أفعالكم افعال عنتر في زمن متحضري = اللي افعوله حيةٍ لو كان جوف المقبره
كن الليال اتقول يا عبس العريبه ابشري = الكل منهم من بعد عنتر يسمى عنتره
حققتم أحلامٍ صعيبه بالحقيقه تنقري = في صفحة التاريخ لو طال الزمان ابيذكره
مولد قدوم منظمه لتراث عبس اتصوري = منظمه بأفعالهم متعطره ومبهره
بجهودكم صارت جسورٍ لتواصل تنوري= لين اصبحت مثل القمر بالليل كلٍ ينظره
تزرع بذور امن التعاون للقبيله مثمري = بستان عز وكل عبسيً قطف حلو اثمره
منظمه عن وصفها كل القوافي تقصري = متسلحه بالدين والعلم الحقيقي تنشره
وختامها فعل البغيلي والدويله يشكري = وعن كل واحد من بني عبس العريبه أشكره
قصيدة/ عايض ربيعان الجريشي
آخر تعديل بواسطة برق الوسم ، 26-03-2009 الساعة 12:20 PM.
السبب: تعديل املائي طفيف
|