بسم الله الرحمن الرحيم
السلام عليكم ورحمة الله وبركاته
هذه المحاورة بين الشاعر الكبير عايض بن جوهر والشاعر الكبير ابوعوجه
عايض بن جوهر
يامنبر اعلام عبس ابدي بك اعجابي=طرقت بابك بقوه وافتح البابي
يامنهل الصدق ابشارك بك اصحابي=المعرفه نور ولا الجهل ماليبه
يابني عبس كان العب نار ن شبوب=لاحضرنا فرقنا المزح من جدها
ازهمولي على الشعار من كل صوب=من براسه علوم يقوم ويعدها
ابوعوجه
يامنبر أعـلام عبـس الله يجملنـا=يالله عسى الشاعر الليله مايكلنا
وحنارجـال ٍ نعامـل مـن يعاملنـا=والمعرفه طيبه والجهل ماليبه
الله اللي عليم بكـل خـاف القلـوب=وانت يمكن لاجاتك تقدر تصدها
جاك شاعر فحل لاتضيق فيك الدروب=احذر الاوله واللي ورى سدها
عايض بن جوهر
الشبكة صرح عـاش الـى تبناهـا=كل اهل العرف ياالشاعر تمناها
هاذي قناعات صاحب عرف وابداها=والمعرفه نور والا الجهل ماليبه
كل جسم نحيف يطير فيه الهبـوب=والزوامل ثقال ولا تعبط بدها
بالمخايل يلوح البرق من كل صوب=مثل ماجبتها ياصاحبي ودها
ابوعوجه
خلك معي وتـرك التمجيـد ياعايـض=انا لقيتك مابين سدير ومبايض
والسيل وسط المسيل امن العصر فايض=والمعرفه طيب والا الجهل ماليبه
كل علم ٍومعنـى بالحسـاب محسـوب=والزمل فوقها الحمله نباء نشدها
لاح برق الشمال ونظرتك للجنوب=انت وين انت رايح عينك تلدها
عايض بن جوهر
اثريك شاعر رهيفـات احاسيسـك=تضحك على الناس الله ياخذ بليسك
انت امتهور وانا اهدي هواجيسك=والمعرفه نور ولا الجهل ماليبه
المعاني لها مشلح وللعرف ثـوب=ولا تناسب على اللي ماهو بقدها
والمعاني ندرجها على دوب دوب=والضعيفه يسيل الدمع مع خدها
ابوعوجه
هذا الله اللي رماك ابوجه ابو عوجـه=الله يصبرك لين تشوف منتوجه
ولاتصير مرجوج كان الناس مرجوجه=والمعرفه نور والا الجهل ماليبه
جيت برضاك لكن صرت تقل مغصوب=العوج كم رجالٍ مثلك احتدها
انت مدري تحب الركض والا الركوب=هد نفسك يابن جوهر معي هدها
عايض ابن جوهر
اهلحيـن اعدلـك ليـن تصيـر متقـادي=والشعر معنى وله سامع ونقادي
عسى الرجاء فيك تال الليل ينقادي=والمعرفه نور ولا الجهل ماليبه
صرت بين النجاح وصرت بين الرسوب=والمطيه تراها مايلن شدها
اهرج اهرج معي في عرف واطيب سلوب=كم نفسٍ تود ولا حصل ودها
ابوعوجه
العوجه اللـي خلقهـا الله ماتنعـدل=وانته اليا شفتها يمكن تصير احول
لكن لاشفتها وسع لها المدخل=والمعرفه طيبه والجهل ماليبه
كان هبت على راسك ياعايض هبوب=الهبايب ترى متقدر اتردها
انت خل العوج قدام شق الجيوب=اكثر الناس تعمي عينا يدها
عايض بن جوهر
يابو شنب كان هرجك قد الاشنابـي=بالهون بالهون منت مفور اعصابي
لابد اعدل عوجك براس مشعابي=المعرفه نور ولا الجهل ماليبه
انت وش جاك يومنك نفخت الذروب=حد سكينتك لمواجهي حدها
يعرف مسيلمه ماهو بمرسل كذوب=اي كلمه تدور بخاطرك بدها
ابوعوجه
يكفيك ماجـاك منـي ياولـد حامـد=لكن اليا نمت خلك نايمٍ ساجد
وجهك بعد شاف ابوعوجه رجع بارد=والمعرفه طيبه والنور والجهل ماليبه
انت وشبك تمسح ديس ماهو حلوب=يدك بعدين يم الديس لا تمدها
كل ثلج ٍ ليا جتـه الحـراره يـذوب=وانت راعي ذلولٍ متعبك كدها
عايض بن جوهر
تراى في بعض امور اجرح ولا اداوي=الظاهر انك ياصاحب خير جداوي
لا تطيح بالليل هاذا غير متساوي=المعرفه نور ولا الجهل ماليبه
انت ودك تهرب مير ماشـي هـروب=لا مسكة العصاء بيديك لا تهدها
بعد وفقت كاسب من خيار الكسوب=ذاهبتك لحلالك ردها ردها
ابوعوجه
الظاهر انك خويـا ًضايـع ٍطبـه=انته اليا شفت لك ضلعٍ تبي تذبه
خشم ابو عوجه بعدها يلزمك حبه=والمعرفه طيب والجهل ماليبه
ماتهربت جيتك ياوسيع الجيـوب=كل ناسٍ نلبسها على قدها
والله انك خسرت العب وانته لعوب=وكلمة الحق بكرها كلٍ يعدها
عايض بن جوهر
من رشحك لبن جوهر خاب ترشيحـة=سرك لقيناه يابو عوجه مفاتيحة
وان ضاق صدرك ياشاعر جرها صيحة=المعرفه نور ولا الجهل ماليبه
طهر الله عن ( ..... ) جميع الشعـوب=الخطيه من المخطين لابدها
البحر ما شربت من البحر غير كـوب=جبتها لي كان الحظ مالدها
ابوعوجه
رشحني أهل الكرم والطيب والشيمه=لكن لقيتك بشعرٍ ماله القيمه
ياطرقي اللي هجوسك قامت تظيمه=المعرفه كنز والا الجهل ماليبه
ياهل المعرفه عيا (.....)لايتـوب=بنت ابو زيد دمعتها على خدها
اشرب البحر الاحمر وانتبه لذهوب=وان جتك الطراقي رحب وغدها
عايض بن جوهر
رشحك واحـد وعافـك مـن بدايتـك=هلحين كل الجماعه تحسب اثباتك
احلق شنبك وتراه ايفضـل اساكاتـك=والمعرفه نور والا الجهل ماليبه
ما انت ( 0000) وعن شعارنا ماتنوب=استح استح وعد انجومنا عدها
المعاني تروح بصوب وانته بصـوب=وكل كلمه تحصل عندنا ضدها
ابوعوجه
ابوك انا شاعر ٍمعـروف ومعاصـر=والانت حصلتها مني على الصابر
والله التسلم لونك ملحدً كافر=والمرفه كنز والا الجهل ماليبه
ابك انا شاعر ٍقـدام نلبسـك ثـوب=وناس فيها غرور والعن توى جدها
والله اني بنيت الطوب من فوق طوب=والبحور اعرف وش جزرها ومدها
عايض بن جوهر
تجميع صيني وحاصل (0000) بس=والعلم عند الرياض تحصله والقبس
ادرب واضح ماعود للورى وانتكس=والمعرفه نور ولا الجهل ماليبه
كم كلمه براسي يالغليم تجوب=طاقتك سدها ولاتنفتح سدها
في رجى الله ياليتك زرعت الحبوب=كان نلقا ورودك فايحن ندها
ابوعوجه
دنق على راس ابو عوجه يابن جوهر=وسلم على راسه وسلم على الاجهر
واللي موديك يمـي حظـك الاقشـر=والمعرفه طيبه والجهل ماليبه
يالعل الخيال اللي مزونـه نصـوب=فوق دارك يهل الوبل ويقدها
انت تأكل حبوب القمح والا معصوب=اكثر الناس ماحدٍ واردٍ عدها
كانـك مضـرى علـى التدنيـق ومهـوي=اقول الاجهر بمثلك وشهوو مسوي
ياالثعلب اللي براس العرق مقلوي=والمعرفه نور ولا الجهل ماليبه
ياعراوي ترانـي خارطـن فيـك هـوب=بعد ماهي قديمه ترجع الجدها
راس عجراي من ضرب الضعيف معصوب=مدر رجلك ليونست العصاء مدها
ابوعوجه
أهم حاجـه تدنـق كـم تدنيقـه=وتحب راس العوج لو كان ماتطيقه
ياشاعرٍ بنت خذ بالجو تحليقه=والمعرفه طيبه والجنه الجنه
ياجمل فيك حكه بالظهر والجنوب=اثر نفسك علينا واصله حدها
رد عجراك بين ارجولك ام الكهوب=وكان لك ثغرةٍ متبقيه سدها