[شموخ رشيديه]

ياليل ماذكر بحياتي تمنيت ...مثل ابتسامه تنتشل قلب منصاب

مليت ورب البيت ياليل مليت..من الجروح اللي تجيني بلا أسباب

تدري ياليل اني على الجرح غنيت..غنيت دمعه والصدى غنى الأهداب

تبي الحقيقه والصراحه ترجيت..فرحه ولكن الزمن بالعطا خاب

ياليل قلي بدنيتي وش سويت...حتى الهموم بداخلي تفتح أبواب

ان كان طيبي عيب ومشكلتي اوفيت..أموت صادق وأرفض أعيش كذاب

طبعي كذا من ميزتي ماتخليت..عندي مبادئ دونها ترخص أرقاب

بيني وبينك ياكثر ماتعنيت..اركض بغرفه مغلقه مالها بــاب

غرفه وراها فرحتي ودونها جيت..أركانها عتمه ولا حولي أصحاب

كاس الفراق المر منه تقهويت...أنا أشهد ان الشوق بالليل غــلاب

ياليل أنا لاشفت ماعفت قفيت...أقفي ولو خلفي كثيرين الأصحــاب

ألأ جروحي كل مارحت وأقفيت..جتني تحمل صدتي لوم وعتــاب

اذكر بس لحظات بحياتي تهنيت....أضحك كذا والصدق عن شفتي غاب

صارت دموعي ضيف وعيوني البيت...ودايم تشوف من المناديل ترحاب

الموضوع الأصلي: ياليــــــــــــل ...........؟ | | الكاتب: شموخ رشيديه | | المصدر: شبكة بني عبس