لاعاد تنشد يابن حاضر عن الحال=حالي همومي يابن حاضر طوتها

شفني جلست أبكي على بُعد رجال=يوم النفوس ضروفها حولتها

شفني تعبت اصبر على جور الأنذال=حتى فجوج الأرض ضاقت سعتها

أنا أشهد الضيم ياخوك قتال=والنفس شرهتها ياخاتم تحتها

لو مابقى في وسط مخباتي ريال=نفسي كرامتها ولامصلحتها

قلي وش المطلوب ياطيب الفال=ودفن هموك وأعطني شوشرتها

ورتك على اللي لارتكا ألحمله اشتال=من روس قومً ماحسبو لآخرتها

إن كان قصدك مال أنا كلي المال=ونكأنها بالفعل سق باخرتها

وراع العلوم الناكسه يضرب الجال=لاتلتفت فيهم ولا بقاطرتها

عشنا بدنيا تجتلد وسطها اثعال=ماينعرف صاحين ها وعابثتها

وهات الخبر موجز على كل أبو حال=وخذني يابو نافع قدم ساريتها

ولاعاش من ضامك ولاعاش محتال=خذها كذا ولا كذا مناظرتها

اقتباس من مشاركة مذكر العايضي (المشاركة 2145437) صح لسانك وكفو ياخاتم سليمان أنا اشهد انك شاعر وهذا ليس بغريب عليك وصح لسان ابونافع قصيده جزله وترووق لها الأذهان

اقتباس من مشاركة نايف ابن عليثه (المشاركة 2145438) صح لسآنكم جميعا" وآنت كفو وهو يستآهل .. لآهنتم ..

اقتباس من مشاركة بوتفليقه (المشاركة 2145460) صدى وصوت مافيكم حيله