في (ليلة الفقد) من يسمع مواويلك=يا (ناي حزني) ، ومن (يبكي على شانك ؟)
ادميت حنجرتك بصوتك ، وقنديلك=طفى مع آول لحن موجع من ألحانك
حزين والناس لو تسمع ، بترثي لك=وحيد وتحسّ بالغربة فـأوطانك ..!
ما لك ليا طال بالوحدة عمر ليلك=سوى إنك تسولف بحزنك لـجدرانك !

(ماني بـمثلك) ، لو اغرق في تفاصيلك=واحكي بنبرتك عن حزني .. لـوجدانك
ما لك (خليلٍ مثل خلي) ، لو أحكي لك=عن (طهر قلبه) ، تبي تزهد في خلانك
(زعلته) ، وعذري ابيض من مناديلك=لا شَربَت دموع تنهيدك وحرمانك
جيت (اعتذر له) ، وقال : الله يخلي لك=(قلبكـ) ، روى قلبي الضامي بـنكرانك
قصّرت ، مدري لـمتى تقصّر واعدّي لك=ومليت وآنا اتوسّل (غيمة) إحسانك
(ابيك تمطر عطا) ، وابطت (هماليلك)=وبديت أعلق جرس هجرك ، ونسيانك
تهزّه إن مات قلبك ، وإنهدم حيلك=وآخر ورود الرجا ماتت في بستانك
بآتركك واوعدك ما ارجع ولا اشكي لك=وان عدت لحظة وله ، لا تفك بيبانك
وإن رحت ما همني لو تنثر (اكليلك)=على (قبر فرحتي) ، وتعدّد احزانك
ما عاد يفيد الندم لو طال به ليلك=(خسرتني) من بعد ما (كنت فـاحضانك)

اقتباس من مشاركة راسبه بالحب (المشاركة 2142632) سلمت الايادي لاهنت كلمات رائعه

اقتباس من مشاركة مذكر العايضي (المشاركة 2142710) لله درك على الابداع والنقل المميز ولا يروق لك الا الرائع لاهنت ومشكوور