قبيلة بني رشيد - وشلون ابـ ابقى .. وعيبك ماقدر اسدّه صراحتي تزعجك .. ومجاملك حارق ...

- بسيطة .. أحبّ و أفارق !
لِـ حمدان الديحاني

********

صباح الاحلام .. غايب صار له مدّه
والشمس نامت ... مادام فراقنا شارق ..

خطاي ؟ بـ إن الوفا وصّلته لـ حدّه
مسروق ( يهدي عمر ) .. لا يزعّل السارق !

يقبل لي الحزن .. وآمالي بك .. تردّه
لكن وش تفيد ؟ .. وانا بالشقى غارق

طرقت باب التغلّي .. وانت مو قدّه
ليتك .. على باب تقدر تطرقه ... طارق

ودّي أكابر .. لكنّ الضيق ما ودّه
ماهي بسيطة عليّ .. أحبّ وافارق

وشلون ابـ ابقى .. وعيبك ماقدر اسدّه
صراحتي تزعجك .. ومجاملك حارق

فارق .. وخلّ القصايد .. واللي اعدّه
رح .. واعتبرني سما ... ما ضرّها بارق

جوّعتني شوفتك .. وارويتني صدّه
كان اختصرت الكلام .. وقلت لي : فاااارق !

********