قبيلة بني رشيد

قبيلة بني رشيد (http://ban3abs.com/aa/index.php)

- منتدى الشـــعــــر (http://ban3abs.com/aa/forumdisplay.php?f=57)

- - الصداقه (http://ban3abs.com/aa/showthread.php?t=98191)

رفقة ردي الفعل همٍ على هم
اتلا تلاياها تعوّد مذمه
.
تحس خاطر طيّب الساس ويغم
ويبين لك ما هو وراء الأكمه
.
ترى الرفاقة كيف ما هيب بالكم
رفقة وفيٍ خير من ثلث الأمه
.
ما كل من جاوب صدى صوتك بسم
يغليك ولا أنك حقيقة تهمه
.
من لا يودك لا توده فتندم
جنِّب وخل النذل في مجلس أمه
.
من نم لك عند المخاليق بك نم
وركّبك عيبٍ منت حوله ويمه
.
ايه الرجال أجساد وهموم وهمم
وباقي العباد بحسب نظرتك سمه
.
والورد لا ما قيمته بس بالشم
ولا يمدح الرجال في فعل عمه
.
كم ضاحكٍ يضحك وفي جوفه السم
وليا بحثت أقصاه شفت المطمه
.
أول إذا ينخاك تممت له تم
تبذل له المجهود شرقٍ ويمه
.
وليا عرفته لا جلس قلت له قم
دوّر وتلقى لك من الخلق رمه
.
ما دام وجهه بالحيا ما حوى دم
فرقاه تشبه ديمة المدلهمه
.
عرف الردي لو هو أخو أو ولد عم
نقص ولا ينفعك عند الملمه
.
رافق عريبٍ عن هل الناقصة زم
حرٍ مداهيله على راس قمه

..
.

اسم القصيده وقائلها :
" الصداقه "
للشاعر // عبدالعزيز الشهيل

صح السانك ولسان الشاعر مشكوووووور والله يعطيك الف عافيه

ذكرتني بقصدتين الاولى َ { للإمير محمد السديري اللي يقول من لايودك لاتوده وتغليه ،‘ ارفع مقامك ياعزيز المقامي }

والثانيه { لبركات الشريف اللي يقول من نم لك نم بك ولا فيه تشكيك ،‘ ولا قد ازرا رفيقك وازراك == عندك حكا فينا وعندي حكا فيك ،‘ وصبحت كارهنا وحنا كرهناك }

تقريباً ماخذ الفكره من هالشاعرين

مشكور اخووووي ماقصرت

روووووووووووووووووووعه بارك الله فيك

آبيآت من قمة آلروعه
وتسسسسسسسلم على النقل المميز
ولاهنت

صح لسسان شاعرها ونااقلها

لا هنـــت وتسلم ع النقل الذوووق ..