قبيلة بني رشيد - (( الــغالــيه والامـــيره )) الى الكويت وطني : وليد العمودي

بــعد غيــابٍ طويل.. أعـتذر لكم وأتمنى أن تقبلوا عذري لأنشغالي في ظروف الدراسه والعـمل معاً .. وإليكم هذه القصيده بمناسبة استقلال الكويت 50 عام

( الغالــيــه والاميره )
يادارنا ياقرة القلب والعين =ياديرة الامجاد ياحي ديره
قمتي على جهد الجدود القديمين =يوم المشقه والحياة العسيره
في عزمهم وصلوا بعيد البلادين = بالسفن من فوق البحور الغزيره
صانوك يوم انتي بيوتٍ من الطين= وحموك من كيد النفوس الشريره
القصر الاحمر من كبار البراهين = يشهد لهم يوم الرحى مستديره
بالقصر الاحمر باعوا اعمارهم دين = تحت البنادق والسيوف الشطيره
وتشهد هديه للرجال الميامين = والرقه وعدة وقايع شهيره
بالعهد الاول يابلادي وهل حين= تستاهلين التضحيات الكبيره
انتي كبيره في جميع الميادين = بالفعل لو كان المساحه صغيره
ياما بذلتي من كثير الملايين= خـيرك شمل كل الشعوب الفقيره
ياجنة الدنيا وروض المحبين= يادار يانور البصر والبصيره
عز الفقارى والضعاف المساكين =ياواحة الامن الصحيح النضيره
قانونك الانصاف سيد القوانين = مافيه ظلم وسيرتك حي سيره
نمشي بحريه وحنا سعيدين= والكل منا مستريحٍ ضميره
ياكويت عشنا فيك عيشة سلاطين =وحنا فدا لك بالظروف الخطيره
عزيزة الجانب وشعبك عزيزين = تدللي يالغاليه يالاميره
سيري تحت حكم الشيوخ الحكيمين=اللي فضايلهم علينا كثيره
يـــحــمــيـــــك ربــــي مــن شــــرور الـــــمـــعــــاديـــــــن= انـــــــتـــــــــــي الــــــــــــــبـــــــلاد الاولــــــــــــــه والاخــــــــــــــيـــره
يــــاديــــــرتي قــــدرك عـــلــــى الــــراس والـــــعـــــــيـــن = ومن ينكر المعروف مافيه غيره
.
.