قبل الرمضان اللـي قريب(ن)هلالـه=سلام في يوم الوطن الـف نوبـه
دار المليك اللـي ينومـس مجالـه=تشـع فخـر الـدار لا سولفـوبـه
انـت العروبـه كلهـا والاصـالـه=يعيش من سمـاك صقـر العروبـه
وسيف الاصلاح وسيف شرع وعداله=وانت الزعيم اللي شريفـه دروبـه
يامـن بسـر الغيـب كل(ن)دعالـه=الله يجيره مـن عـذاب اوعقوبـه
يامرضين شعبـه بحكمـه ومالـه=وعطاه كل الشعب حيـل افرحوبـه
كـان الكمـال الله لخلقـه عطالـه=لبسه ابو متعب مثـل لبـس ثوبـه
مليكنـا اللـي كـن شعبـه عيالـه=واللي ملك كل البشر فـي سلوبـه
كـامـل وللله العـلـي الكمـالـه=اللي وصل طيبه لنـاس اغدروبـه
طوى علـى كـل الكرامـه حبالـه=وكل العلوم اللـي يسـرن صوبـه
ويحسـب كلامـه لا تكلـم وقالـه=لاقال كلمـه مـا تخـلا محسوبـه
وولـي عهـد طـيـب الله فـالـه=طيبه وصل شرق البـلاد وجنوبـه
وضفاعلى غـرب البـلاد وشمالـه=وكل العرب طيب ابو خالد حكوبـه
ومن شجرة(ن)كل(ن)تظلـل ظلالـه=وسترالدخيل ليـا خصمـاه لعبوبـه
ال سعود اهـل الشـرف والشكالـه=ببلادهـم حكـم العدالـه مشـوبـه
وساد الامن والشرع كل(ن)قضالـه=وغير الشريعه بالحكـم مارضوبـه
والشـر قفـى يـوم ابوهـم لفالـه=والخير هبـت فـي بلدنـا هبوبـه
عبدالعزيزاللي رضى الشعـب طالـه=وشعبه بعـد فـي جيتـه رحبوبـه
وقضى على وقت الفقـر والجهالـه=عسـاه بالجنـه وتغفـر ذنـوبـه
ووصى علـى درب العدالـه عيالـه=ومشوا علـى حكمـه ولا غيروبـه
واليـوم فـي دارن تزايـد جمالـه=وعند اهلها والمسلميـن امحبوبـه

اقتباس من مشاركة راعي البلها (المشاركة 9053) ياهلا ومرحبا في الشاعر خليف الوهيداني وصـــــــــــــح لسانك ولاهنت على هذه القصيده الاكثر من رائعه