|
الخاطره التي ابكت الشارع السعودي
الطفوله
احلى مافي هالحياه مرحله من غير هم كنا دايم نبتسم كنا حتى لو بكينا .. وجارت الدنيا علينا بعد لحظات وثواني .. بسمه فينا ترتسم كنا نركض خلف كوره … (لا لا انا ماكنت معهم؟) وحدي بس بعيد عنهم … كنت انا اضحك عليهم جالس لحالي اهذري … جالس احسب كم (كوبري) صلحه (احمد) في (ماجد)؟؟ والله واجد!! وقبل ما يحل الظلام للبيوت نروح نجري…(لا لا انا ماكنت معهم!) امشي وحدي بعيد عنهم امشي واعدد اثرهم! وهم عني يبعدون…يبعدون…يبعدون الا (ماجد)! كان مثلي حيل ضايق…بس حزني كان حارق كان يسألني ببراءه: ليش تعرج؟ قلت مادري! -باستياء- ليش تبكي؟ قلت مابكي –بكبرياء- ضاق مني…ثم سألني في غباء.. قال (وثرايك تثابق)؟ وراح عني…!! كنت اسأل دوم نفسي… ليش ما اركض معاهم؟؟ ليش دوم امشي وراهم؟؟ وش بلاي؟؟ او وش بلاهم؟؟ ليه انا غير الانام؟؟ زاحمتني الاسئله..كل شي اجهله؟ وان تعبت من الاجابه..احضن الحيره وانام مرت سنين وكبرت… صار همي اليوم اكبر حتى دمعي صار اكثر للاسف توي قدرت… افهم اني شخص (عاجز)! يعني بيني وبينكم مليون حاجز!!! صدقوني ذي حقيقه.. لاطلعت السوق…كل ما امشي دقيقه القى كل شوي ابله! يمشي ويناظر صديقه…ويغمز له يقول : ناظر…! وش يناظر؟؟؟ وتنفجر في خفوقي الف ضيقه ووحده في وسط الزحام … طالعتني باهتمام بنت في عمر الزهور…أي رشاقه …وأي اناقه…وأي عطور!! قلت في نفسي ياهووووووووووه هي تناظرني بغرام؟ او هي نظره والسلام؟ بس اكيد انها تعرفني…شايفتني؟ شايفتني في جريده؟ واعجبتها لي قصيده؟ إيــــــــــــــــــــه انا توي افتكرت… لي قصيده.. كنت ناشر معها صوره…بس صوره…ياسلااااااااااااام وفاجأتني… لما صارت لي قريبه..كانت تتمتم بطيبه (يكسر الخاطر حرااااااااام) !!!!!!! وتركت دمعه غريبه…وضاعت بوسط الزحام دمعه كانت تحكي وضعي…زلزتني ارتطم قلبي بضلعي….دمرتني صدقوني… اصعب اللحظات وأقسى لاغدا الرجال يكسر…خاطر انثى كيف ينسى؟؟؟ جاوبوني! وزاد همي يوم فكرت بوظيفه … ثم زواج اي وظيفه … واي زواج؟؟ اللي مثلي…. مهما طالب…لو يلف ولو يدور زين لو حطوه كاتب لا….وعلى بند الاجور ماهو رسمي!!! صدقوني لو تدرج…وصار راتبه يتصاعد وابتدا وضعه يزين ما اظنه بيتزوج … حتى لو بعد التقاعد!!! وفي النهايه… يابلدنا مهما كانت (تسميتنا) عاجزين….(معوقين) لك عهدنا…وذا قسمنا: اقسم بالله العظيم…منزل الذكر الحكيم ان اصونك يابلادي …من شرور العابثين من مطامع كل حاسد…من نوايا كل فاسد وإني لك حصن حصين انتي ناديني وشوفي…لانويتي بالجهاد والله اقهر لك ظروفي…دامك انتي لي بلاد وباسم كل العجزين… دام فينا اصبع يطول الزناد لايهمك يابلادي… وازهليها http://im.gulfup.com/2011-02-04/12968403251.gif تحياتي هـــــــــــــــــرم عبس لكم ودي http://im.gulfup.com/2011-02-04/12968375971.jpg |
هالخاطره مو بس ابكت شوارع السعوديه هذي الخاطره ادمت كل ميدنه كل قريه كل هجره كل شارع وبيت وقلب كل سعودي صغير كان ولا كبير جد وقتها كنا نجهل احساس المعاق صح نعرف انو يعاني بس ماكنا نتصور كذا الحال هالخاطره عني شخصيا ادمت كل شراييني بعثرتني غيبتني ورجعتني فعلا كنا ننظر للعاجز بشفقه بس الحين لا انا عن نفسي انظر للعاجز بعظمه فكل ذي عاهة جبار يسلمو لنقلك الجميل تقبل مروري دمت بود http://www.redcodevb.com/smiles/smil...orums-0691.gif |
مبدع دائما بمواضيعك ياهرم عبس
لاهنت ع الخاطره الرائعه بانتظار جديدك |
بجد خاطره تبكي
شاكره لكـ وتقبل مروري |
مبدع دائما بمواضيعك ياهرم عبس لاهنت ع الخاطره الرائعه بانتظار جديدك |
http://im.gulfup.com/2011-03-02/1299093886753.jpg
http://im.gulfup.com/2011-03-02/1299093882481.jpg http://im.gulfup.com/2011-03-02/1299093888754.bmp واشكركم علي الكلمات الحلوة والرائعة تحياتي هـــــــــــــــــــــــــرم عــــبسhttp://im.gulfup.com/2011-03-02/1299093890215.gif |
| الساعة الآن +4: 12:45 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
