قبيلة بني رشيد - كل شين زال والعنصريه ماتزول للشاعر عوده

بادين في ذكر رب النبي ابو البتول000معطين داوود حكمه وتفصيل الخطاب
اسمعوني ياعرب وفهموني وش بقول000لايضيعها ضعيف المعرفه بالضباب
كل شين زال والعنصريه ماتزول0000عنجهيت زايد الجهل بعقول خراب
ذا دليل ان التخلف رسخ وسط العقول000كثرت القراء وقل التفقه بالكتاب
النبي الهاشمي يوم وصانا يقول000كلكم لادم وحواء وادم من تراب
لافضل بين اعربين وعجمين ياجهول000غيربالتقوى وزين العمل يوم الحساب
الفخر بالدين خل التنطع والفضول000والتفاخر بالعمل قبل مايطوى الكتاب
والتكبر طبع لبليس وبليس امغلول000يودع اعمالك هباءا وتذهب كالسراب
ولاتقول الكريم الاصيل ابن الاصول000ولاتقول انا احسن الناس والباقي هباب
ماسبقك الا ابليس اللعين اكبر بطول 000ماسجد لادم عصى ربه الخالق وخاب
قال انا من نار وادم من الطين امعمول000وقال له مسجد لخلقن خلقته من تراب
وانطرد من رحمة الله الى يوم المثول000واخرجه من جنة الخلد من شين الجواب
والقبيله مزرعة حقل من عرض الحقول000تشرب الماء القراح اللذيذاحسن شراب
ماؤها واحد وتسقاء من الجم النهول 0000شجرتن زينه وشجره خبيثه بالتراب
القبيله للتعارف وفيها كل زول 000طيب وخايب وعاقل وعقاق ومصاب
وكل خلق الله لها قدرذا شيء امعقول000ولايشكك بصله الا ردي الانتساب
اسالك هو ليه ضايع عن اصلك ياعجول000مادريت ان اصلك اخلقت من طين وتراب
لانزلت من السماء ولانبت من الثعول 000يوم هلن ومطرن من مدبيح السحاب
ولاخلقت من الذهب والذهب اغلاء امحصول000ولنت من باق المعادن ولاخلقت انتخاب
ولاحدن يشهد عليك ان ابوك من الزحول000وبالقيامه يزهمونك باسم عكش الهداب
خمس مخلوقات خلقن على اصل وفصول000ادمي وجن وطيور واشجار ودواب
ماخلقنا الله عبث فوق هالدنيا نجول000ماخلق ربي على ظهرها شين وساب
وانت منها اخلقت ثمن تعودالها امحمول000مسكنك مترين لاجاك منح ولااغتصاب
بس تسمع يوم راحو عنك قرع النعول000والسوال من الملك والملك يبغاء جواب
شهرتك تفنا وينساك حتى اللي تعول 000والعزاء يومين والثالثه ينسى المصاب
والنسب مافك ابو طالبن عم الرسول 000وابنو طالب ينتسب من قصي ابنو كلاب
مات كافر مثل كفار مكه والمغول000مانفعه الاصل ياخذ جزاه من العذاب
لاتشدق بالقصيد وتفاخر وانت هول000ان جدك يذبح الناس ويحن النصاب
يوم جدك يطعن الرجل من فوق الذلول000جاهليه جاهلية سلب نهبن وغتصاب
والغزو يوم الغزو صار بالدنيا ميول 000واستهان الناس بالوازع الديني وغاب
ان سلمت من الغزو ماسلمت من النطول000حنشلين يسرق المسلمين ولايهاب
ياخذ ابل الرجل والوهد حتى العدول000ثم ياقف منقهر قهر محروق العصاب
والبشر قبل الحكم فيه حابل ومحبول000مثل وقت اليوم هذا يسمونه ارهاب
والفعول الماضيه راحت مع اهل الفعول000وفعل جدك ياخبل مايوصلك السحاب
شايبن من دون ماله وعاراته يصول000يحتمي عرضه وماله بمذلوق الحراب
وانتهت في وقتها واخذوها بالحثول000قبل مية عام راحت خطاء مدري صواب
مقتل النفس البريه جريمه ياجهول 000خزي بالدنياوبالاخره شدة عذاب
دم اخيك وعض اخيك وحلاله والرحول000حارمن من يوم ربي خلق شم الهضاب
جالس اهل العلم منته عن الناس امعزول000لتغفل وتضيع مابين مالذا وطاب
واطلب لنفسك وجدك وولديك القبول 000واطلب الرحمه لنفسك عساها تستجاب
وحمد الله يوم بالامن تمشي عرض طول000ترقد وتصحى ولافيه للخوف احتساب
ومل بطنك بالعشاء والصباح اصحين فول000والغداء كبسه وعقبه عشاء خبز وكباب
والصداع ان جاك خذلك ادول وفيفادول000وريح الراس المصدع وترتاح العصاب
واطلب الله جعل حكم السعودي مايزول000ياقشر حالتك لو صار بالامن اضطراب
مع تحيات ابو يوسف