قبيلة بني رشيد - طاح الرشاء

صحيح لاقالو رعا الحـب مسكيـن
واقـرا حكايـة قيـس والعامريـه
يعني تحـب ولابلـوك المجانيـن
مالك جدا غيـر اسمـع الراعبيـه
للحـب دولـه ماحكمهـا قوانيـن
تسرح بها العذال صبـح وعشيـه
وانا تعبت من الهـوى والمقفيـن
قفّو ولانـي محتـري لـي مجيـه
مثلك حكايـات الغـلا والعناويـن
شمـس وحقيقـه مالهـا أي فيّـه
حظي معك مايختلف فيـه الاثنيـن
لولا عذول(ن)حسده اغـلا مطيـه
يعني عشان اني رفيـق الوفييـن
والصدر بيت اهل الوفـا والحميـه
والنفس ازكا من ريـاح البساتيـن
عقب المطر في منطقـه ساحليـه
يحسدني العاذل ولا يـدري الشيـن
اني على درب الهوى فـي هويـه
يومي عطشت مواصلك قبل عامين
حركت كفي لجل ابشـرب شويـه
طاح الرشا يوم(ن)سهت عنه اليدين
في قـاع بيـر فمقطعـة مهمهيـه
حتى الركايب يوم قفّت عن العيـن
ساقت وراهـا كـل ذكـرى عليـه
لولا الرجا في خالق الناس من طين
ومـوزع الارزاق جـزل العطـيـه
كان البشر من قل الامـال باكيـن
والحمـد للرحـمـن رب البـريـه
في كل حال وجرح الايـام كاويـن
فوق الجـروح المبطيـه والطريـه
جرحك فرق عن ماسبق بالملاييـن
كيـه ولاكـن ماهـي ايـات كيـه
سلم على ميقافنا يااريـش العيـن
واسلم وسلملي علـى كـل طيـه
من دفتر الذكـرى والايـام وافيـن
مافيـه طيـه مابهـا جـرح ليّـه
وابيك تسمـع مابوصيـك يازيـن
رغم الجفا رغـم الحيـاة الشقيـه
لاهب ريح(ن)فالعلايـق طواعيـن
وفاحت جروحك فوحـت الشاذليـه
تعال فضفض باوسط القلب بعديـن
نقـرى حكايـة قيـس والعامريـه