قبيلة بني رشيد - قصيدة الجمس الشكمانين للشاعر عوده عواد الخياري

يراكب اللي جديد وتم تمرينه 000جديد توه نضيف وتعجب الوانه

بوراق جمرك على المعرض من المينه 0000بسم الجميحي ورد بسمه على شانه

من معرضه توهم بالكاش شارينه00000ماقاصده عند وقت الصرف ديانه

يازين صوته اليا دبلت بنزينه000000تقول يقراء انقليزي صوت شكمانه

الصبح من شيشة الحربي معبينه0000ومغادرن عن تبوك وحي سلطانه

اضحي قد عقب المركز وناسينه00000امعقبن مركز الطلعه وسنفانه

مر القليبه وتيماء وطاف من حينه 0000بالعبد حق الحفيره زاد خزانه

وميل على ايسار من عند الرميمينه000مترهين من نهاره شوف خلانه

اليا عبر مع خطات الخط يازينه0000راسن ابمشيه تقل تخفيق شيهانه

مقدار كيلو عجاجه عن اقزوزينه000اخشوم مزنن يعزل منه ربانه

والعصر بالديره اللي مستحبينه000اللي سكنها عشيري ضمن سكانه

الصاحب اللي صفاء ديني على دينه000لادعج اللي عليه الروح والهانه

انا اشهد انه ملك قلبي ومغلينه0000نفسي تبيه وعليه الكبد عطشانه

اليا غنجلي وسلهم في هدب عينه 0000رمح الهواوي وسهم الموت بعيانه

خمسة عشر عدها العداد لسنينه0000نهده على الصدر زامي تقل رمانه

يعود موزن عليه الجم مرهينه00000يسقيه جم السري في وسط بستانه

حبه بقلبي وثيقاتن موزينه0000والله ماظن يرجح كيل ميزانه

اليا تذكرت تصويره وتكوينه 000سبحان من صور المخلوق سبحانه

يفز قلب المشقى من ضلاعينه000 فزت غريبن جلاوي شاف عدوانه

غافل من اول ورامينه ومخطينه000واذراه مذري اصغار الطير بكنانه

اجاوب الذيب في صوته وتلحينه000اليا قنب لج بالوادي وجيلانه

كتبت هذه القصيده سنة 1400هجري