قبيلة بني رشيد - براكين الغرام

الاياشقـا حـالـى يــوم قـالـو حبيبـتـك مخطـوبـه

الايا اسـواء خبـر يهتزلـه قلبـي وتدمـع منـه عينـي

يقولـه مـن تولعبـه ومـن غلاهـا شـق لــه ثـوبـه

جنوني منه جاني ونا الجاني علـى نفسـي مـن يهدينـي

الا ياعـذاب اللـي فـقـد يـانـاس خـلـه ومحبـوبـه

تضيـع الامانـي والامانـي لبعـض الـوقـت تحييـنـي

اعزي النفـس والنفـس مـن همـه منصابـه ومعطوبـه

شقت من شقـا شـوق شقينـا بـه وشقينـاه ويشقينـي

عذابي من عذابه وعذابه مـن هلـه صـارو لـه عقوبـه

زمان مارحمنا وهو سبـه جـروح فـي خفوقـي تقزينـي

براكين الغرام تشـب بالصـدر يانـاس جمـره ولاهوبـه

علـى فرقـا حبيـب راح لاراجيـه ولاهــو براجيـنـي

لك الذكرى مـدى عمـري ياعمـري مكتوبـه ومحسوبـه

وبي اسمك على لساني مـدام الـروح ياروحـي بتمدينـي

وجودي من وجودك وجودك غايه النفس ودواها ومطلوبـه

تجود النفس بوجودك اذا شحت دموع العين لاتسقي بساتيني

ابي اعيش من بعدك مابقالـي بهدنيـا بعينيـن معصوبـه

مدام اني عجزت اشوف نـورك يانـور عينـي يامقدينـي

ابدعيـلـك بالـصـلاه الـلـي فرضـهـا الله مكتـوبـه

بنسياني وهجراني لجل تهنـا حياتـك ياحياتـي وتنسينـي

عسى الله يجـازي مـن تسبـب بفرقانـا ويعظـم ذنوبـه

يلين صوان الحجر وماتليـن قلـوب حسـادي وعدوينـي

تعبـت مـن الامانـي والوعـود اللـي ضعـت بـدروبـه

ابشرب علقم الحنضل لجل اقطع رجـا نفـس(ن) تمنينـي

تقبلت التعازي والتعازي ماتسد اللـي مكانـه بـدى هوبـه

جـزا خيـر الجـزا نـاس بفقـد احبـاب قلبـي تعزينـي

منقووول