|
قصيدة الشاعر/ عبدالرحمن بن سعود .. ورد... الشاعر / ماجد ساكر
هدذ القصيده موجهه مني الي شاعر الحره (ماجد بن ساكر ) يأخوك ماجد حالتي كلها زفت ..........................مافيه يومن ذقت فيه السعاده مليت من نفسي ومن دنيتي عفت ...........................من يوم شفت الحب قرب بعاده مثله بهالدنيا لاحبيت لا شفت ........................يومه معي ماشفت يوم القراده واليوم انا يأخوك ماجد ترى خفت ...........................إنه على قلبي يسبب اباده اول مقابل بيننا داخل اللفت ........................في فندق الرويال جبت الوساده من يوم شفته واقفلي ووقفت .......................في مئه وخمسه كتبت الإفاده ويالله صبرني على الي انا شفت ......................واغفر ذنوبي يارحيم بعباده وهذا رد الشاعر/ ماجد ساكر ياصاحبي قبلك رجيت وتلفت ............................لكن ماحصلت درع وشهاده ليتك بمكه يوم تسعابها طفت ..........................مدام درب الحب كله نكاده الحب مابه خير يومك تكلفت .........................واتعبت نفسك واعتزلت الركاده ياصاحبي ياليت عنها تطرفت .........................وتركت من يلبس عليها القلاده وش دخلك باللفت يومك تلقفت .......................لوك مع السلم ماجتك القراده ليتك بهالحاله عرفت وتصرفت .......................وفارقت حر الجو وإيا براده واخر كلامي بينك وبينها حفت ..........................وعنك بعيده بعد قصر القياده |
صح لسانك ياعبد الرحمن وصح لسان شاعر الحره
لكن انت وايش وداك فندق الرويال هذا وينه هههههه |
إقتباس:
صح بدنك قرادة الحظ ودتني يمه ههههههههههههههه |
صح لسآنك واعتلآ شآنك .. |
صح اللسانك ياعبد الرحمن سعود
وصح اللسان الشاعر ماجد ساكر وبيض الله وجهك على هذا الطرح |
إقتباس:
صحي ابدنك ومشكوره على المرور الجميل |
إقتباس:
صح ابدنك ولاهنت على المرور الي اسعدني الله يعطيك العافيه |
صح لسانك ماجد ساكر وإلى الأمام دائما وبالتوفيق
|
| الساعة الآن +4: 11:48 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
