تذكرت من كانت مع النـاس تفعـل خيـر=تذكرتهـا مـن يـوم غـابـت مـجـرد يــوم
من أول ماغابت صـار فـي ...... تأثيـر=تغيـر مسـاره كـل ماقـلـت طــاح يـقـوم
اجل لو يطول غيابهـا وش بعـده يصيـر=على حد تفكيـري وعقلـي تصيـر علـوم
عطت مارجت رد العطى مثل جدة غير=لهـا فـي مداهيـل السمـاء جـرةٍ ورسـوم
مع الكل حـازة يالنشامـى علـى التقديـر=خذت هيبة العاقـل وحكمـة كبيـر القـوم
مالوم العذارى اللي عليهـا ومنهـا تغيـر=يشوفونهـا مـثـل الثـريـاء بسـبـع نـجـوم
مداهـا بعيـد ونفسهـا مثـل نفـس الطـيـر=تهوم العلاء والمجد والطيب بنت قـروم
تبون الصراحة عاجز الشعـر والتعبيـر=تعدت حدود الشعر والوصف والمفهوم
ولكن كتبـت وسامحينـي علـى التقصيـر=وانا لا ذكرتك قلت ياالشعر صـح النـوم

اقتباس من مشاركة بدر الحشية صح لسانك ولسان الشاعر حميد مششششششكور على النقل

اقتباس من مشاركة بندر الذيابي صح لساااااااااااااااانك ولساااااااان الشاعر دائم كما عهدناك ذوق رفيع واختيار رائع الف شكر لك اخوي علي النقل تحياتي بندر الذيابي