قبيلة بني رشيد - مع اشهر واجمل قصائد ابن الذيب اترككم

المارد الشعـري ليـا غـاب والاحضـر
يـزت روحـه علـى كفـيـه ويزتـهـا

الله يقطـع هـل الدمـام ياهـل الخـبـر
وعدت ابـو ريـوف بزيـاره ولا زرتهـا

ياريوف ليـل المواجـه قـدر والاسهـر
لــو انـهـا بختـيـاري ماتخيـرتـهـا

وانا فراسي قصيـده تشتغـل مـن ظهـر
واخـاف عينـي تغمـض مابعـد قلتـهـا

لكـن قولـي لبنـات السـد ولا النصـر
وش رايهـم فـي هنـوفٍ يـوم عينتـهـا

جديلـهـا يـدهـر رموشـهـا تـدهـر
وثيابهـا كـل ماهـب الـهـواء بختـهـا

ماهيب شـي مـن الفتنـه ولاهـي بكـر
لكنهـا مـن غـلاهـا لــي تباكرتـهـا

وردوفها رفرف الجمـس الجديـد الحمـر
مستعملـه بـس لـي ذلحيـن ماسقتـهـا

قالو لي اخذ اختهـا قلـت الليالـي دهـر
مـاهـي ببلـغـا ولكـنـي تبالغـتـهـا

كن نيل مصر الذيذ الـي يصـب بمصـر
نيـل امهـا وكـن دلتـا سوريـا دلتـهـا

ان سولفـت سولفـت لكـن بالمختـصـر
كنها تضامن مـع البكمـان فـي صمتهـا

اليااضحكت قلت ياربـي عليـك الصبـر
واليـا بكـت قلـت ياربـي ماصبرتـهـا

الخيـل والليـل والبيـدا ووجـه الفـقـر
تطيـح مـن عينـي اليسـرى لاناظرتهـا

حتى هو الطائف اللـي كـل ليلـه مطـر
كنـي مصـيـف بـجـوه لاتحضنتـهـا

امحق سنه عاد قلبي فيش وامحـق شهـر
مافيـه مـره بعـد فـرقـاش ماذقتـهـا

وانا على شانـش ازعـل حكومـة قطـر
عجمـي وقلبـي خبـل لابعتهـا بعتـهـا

امتن من الضعف واطول من ضلال العصر
يضيـع فيهـا النضـر لامنـك ناضرتهـا

ياقلهـا يـوم الـد العيـن يـم الخـصـر
ولـيـا تعـديـت قلـتـهـا تكاثـرتـهـا

من المخافـه مايوقظـك لصـلاة الفجـر
ومـن الطـهـارة مايكـفـي لاتيممتـهـا

اليا اقبلـت كنهـا الارهـاق بعـد السفـر
متثيقـلـه مــن سـحـاء ولا تثيقلتـهـا

يدفهـا الشـوق دف العاصفـه لشـجـر
وتمـيـل لـكـن تستـعـدل لاعدلتـهـا

ساعة ماتزعل كنـه زعـلان منـك بـزر
ياجعلـك تمـوت يامحـمـد مازعلتـهـا

ياجعل مالش ياعينـي غيـر فتنـه نظـر
والله يلـعـنـك ياقـلـبـي لاهملـتـهـا

الله خلقهـا بشـر لكـن غـيـر البـشـر
الناس مـن تحتهـا والارض مـن تحتهـا

قالـت وانـا الحمـدلله والثنـاء والشكـر
قلـت انتـي اللقمـه الـي مابعـد كلتهـا

قالت انا الموت قلت انتـي عـذاب القبـر
قالـت لابالله يابـن الـذيـب مصختـهـا

الله عطاها شـرف مريـم وتقـوى عمـر
وانـا ليـا ذعـذع الغـربـي توسدتـهـا

بس اعذرونـي لـي غنيـت ياهـل قطـر
الله يغـفـر ذنـوبـي يــوم حللـتـهـا

ماهوب جنـون الغنـم ولا جنـون البقـر
شاعـر وعنـدي قصيـده زينـه وقلتهـا

قولـو لهـا لاتروينـي نجـوم الظـهـر
امـا تـرد الخبـر والا عشقـت اختـهـا