وقفت حتى مل مني مكاني=اطرد خيال الياس في كل وقفه
طال انتظار من انتضرته وجاني=في موعد خيرٍ من الفين صدفه
مدري بحلم أوعلم يومه لفاني=خفت انه انس الجن جاني بوصفه
تغيرت حالي معه في ثواني=من يوم ماكفي تلاقت بكفه
كنه معي من خلقته ماجفاني= ماغاب عني يوم من يوم عرفه
انساني همومي وماكنت أعاني=دمعي من عيوني بكفه يكفه
ممابلاني فيه يوم ابتلاني= بدرٍ ورى ليلٍ عتيمٍ يلفه
غنت لنا القمرى حروف التهاني=ولحن السعادة كرر الوقت عزفه
نشوى غرام الليل لطف وحناني=والارض رحمه والسما جاد عطفه
غيبوبةٍ غبنا بها مادعاني= اغيبها الا من تصاعبت وصفه
لحظات فيها للمحبه معاني=فيها الفرح كف التلاقي تزفه
نتبادل البسمه وحلو المعاني=في ليلة.يلقى بها الصَّب..شفه
وفي غفلةٍ منا,, غدرنا الزماني= اقبل عذابي واغمض الوصل طرفه
عاد الفراق اللي حسبته نساني=فرق عدو الحب كفي.. وكفه