يافهد شفت بعيونك علامات الشباب=وانت لازلت بعيوني تري توك صغير
واستمع للهرج وافهم مضامين الخطاب=كل شي في زمانك تري يمكن يصير
لايغرك زين دنياك واخرتك تراب=واجتهد بالدين والله علي فعلك بصير
والصلاه اوصيك فيها وقصر بالثياب =لايغرك من تكلم وقال الوقت غير
احتفظ سنة نبيك وجود بالكتاب=خلهن في وسط قلبك عروق تستدير
واحفظ لسانك تري الناس تحسبله حساب=والسوالف يافهد بعضها يصبح خطير
والوطن دونه وانا ابوك ترخص له ارقاب=طاعة الله مع نبيه ومن ثم الامير
خل راسك شامخ فوق هامات السحاب=وعز ربعك والضيوف ان لفولك والفقير
يوم شفت العين شابت ونصف الراس شاب=قلت ابكتب هالوصيه مدام اني بخير
للولد وان طاعني فاز وان ماطاع خاب=والله اللي خالق الخلق وبعبده خبير
ياالهي نجنا من جهنم والعذاب =وانت من رحمتك للداب يملي فمه طير
رحمتك ياللي رزقت البهايم والدواب =وانت امرك بين حرفين ياربي يصير
طالبك ياللي تثبت موازين الهضاب=الثبات بطاعتك والنجاه من السعير

اقتباس من مشاركة دمعه (المشاركة 1978376) واحفظ لسانك تري الناس تحسبله حسـابوالسوالف يافهد بعضهـا يصبـح خطيـر صح السان شاعرها اداء راااائع وقيده جميله يعطيك العافيه على هالنقل المتميز

اقتباس من مشاركة مذكر العايضي (المشاركة 2004818) أبو راشد والله انها تستاهل النقل والتميز والابداع رائع وصح لسان الشاعر الكبير والجزل احمد البيغلي

اقتباس من مشاركة بندر الشويلع (المشاركة 2007653) صح لسانك والله يعطيك العافيه