قبيلة بني رشيد - مخايلة شاعره

عوده للشعر النسائي الجميل
مع اعتراضي على ان هناك شعر نسائي ورجالي لكن من باب التوضيح فقط
وش توضح له << هههه
طيب لا تدف
هذه قصيده للشاعره المميزه ابعاد التركي
قراءه ممتعه

ليلٍ حوى هم القصيد وغاب فحدود الجفاف
وأبطيت أدور فالبحور السبع ليل ما حوى
.
كم جاد فكر ولا نويت إلا من البيدا ضفاف
انكفت عن درب الحنين وضعت في درب النوى
.
ماكل قافٍ يستوي له شاعرٍ يكتب بقاف
ولا كل من كسّر بيوت الشعر دون المستوى !
.
ودعت عشر سنين من عمري بتسع مع العجاف
والطرقة اللي من ثلاث سنين وارقها ذوي
.
الطير جناحانه حدر مد الشموس ولا يشاف
كنه يظن الليل ما يمسي عليه من الغوى
.
عينه تقيس القاع في ضلعٍ وقلب ما يخاف
سبحان من ثبت ثبات الكون وأرساه وقوى
.
لا صارت أطراف المدينة خوف من ذبح الكفاف
ضم بجناحينه محيط الشمس وادماهن سوى
.
يا صاحبي كانك تحسب ان الثقال من الخفاف
عز الله انك ما صحيت النور وأخطاك الضوى !
.
كم قلت لك ذاك الطريق اللي يودي للمطاف
أمد لك ضوح البياض وقلت لي: مالك لوى
.
قل للغرير اللي سرى فالليل فثياب العفاف
ما يستره هندام ملبوسه وشيطانه عوى!
.
الخوف ذنب مستقره من حدر عوج رهاف
والطعنة اللي في وريد الصدر جابت له خوى
.
أمد كفي للسما واضيق من حمل الكتاف
حزنٍ بنبض القاع صوته في رهف قلبي دوى
.
أخايل أطراف السنين اللي ثنتني بنعطاف
في لحظة تضحك شفاف الدهر لرماح الجوى
.
يارب ترفعني عن الزله وعن ذل السفاف
وعن موقف يدرج ضعيف النفس مع نزع الهوى
.
...
..
.

الشاعره // أبعاد التركي

.
:sm253: