مرني شلال عطره على لبسه يفوح = مابقى بزهور الارياف شيً ماجمعه
لو نظرها العاشق الهايم المغرم ينوح = نوحت اللي بالبساتين يحزن مسمعه
والله انه للمحبين جبار وذبوح = كل ماقربت عنده يطق الي اصبعه
قلت براق الهوا فوق خدك لي يلوح = مايحب المطمعه غير راع المطمعه
قلت له ضيعت دربي ولاادري وين اروح = من نظر مثلك بسوق الهوا ضاع اسنعه
قال جرب والهوا به صحيح وبه مزوح = وانت عاشق بس ضني تبيلك مقمعه؟
قلت ياقمعك الولي لعنبوك انت ذبوح = جعل ربي يقلعك في سدير المجمعه
قلت انا اول مره القا مثل شكلك لحوح = ماورا حب الشقا غير كثر المدمعه
وراح من عندي وحبه بنا بقلبي صروح = لهفة العاشق تواجد وقلبي مرجعه
والهوا راعيه مايستفيد الا الجروح = من يحب البيض دايم وهو في معمعه
الشاعر/ حامد سعود الحنيفان