قبيلة بني رشيد

با الله يا ابراهيم وزع لنا صن

العب لعل الهاجس يروح عني

غنيت لك مسحوب جاوبني وغن

شرايد المعنى من أجله يجني

يارب يا ستار سترك معي جن

لا مر طيفه صابني مس جني

ونيت حتى الجان من ونتي ون

يصعب عليه الحال وأصبح يوني

في خاطري حاجه وكنيتها كن

منها لهيب الصدر مايستكني

ونيت ماني مشتكي من وجع سن

لا تلومني ونيت ماهو بمني

حاولت في قلب الغشيمه ولاحن

وأنا أنقطع قلبي عليها يحني

لا جيت أجاهد عبرتي كلهن جن

كفكفتهن خايف معك يحرجني

الصبر مفتاح الفرج هقوه وضن

والصبر ماش وخيب الصبر ضني

حرب الغرام الطاحنه شنها شن

دارت رحاها مع رحاي وطحني

اللي حمس قلبي كما ينحمس بن

حمسة غشيم بغير عرف وتأني

ماني براجي منه درهم ولاين

ارجي وصاله في جفاه امتحني

نشوة غرام لحبها صرت مدمن

راحت حياتي بالرجا والتمني

ماضني انسى وحبها بي تمكن

هيهات لو ينسى النبي كل سني