|
تنسيق محاورة الكابتن وصياف
السلام عليكم ورحمة الله وبركاته اسعد الله اوقاتكم بكل خير اليكم تنسيق محاورة الكابتن & وصيـــاف الكابتن الليله المعنى على سلك شعره ماهو حرير= نبا نعقد ونفتل المعنى على سلك شعره المشكله ماهي سواليف الفرزدق والجرير= طارق عزيز بمشكلتهم مد زقمه وحشره صياف الليلة الليلة عسى المكتوب طيب وفال خير = شفت البحر بالعين تبغى تعوم والاتعبره مالك وماله سالفتهم كدوصل عنهاالنذير = يالي كسرة العظم قبل ايعيب عجل واجبره الكابتن على البعير ابو ثلاث خفوف وان قلت البعير=خلك معي ترى الزهاب من العصر فوق اظهره ياصاحبي صياف جيت وما فقدنا الا السفير=ياشينها وان جت علوم القوم حسب السمسره صياف هذاك عيا لايشيل الحمل من بعد الهدير = قام يتهرش والحشو جت في يمينه وايسره القوم هذي سالفتهم وانت رجال خبير = والوضع اشوف قام يتطور ويزتاد اخطره الكابتن احدن يبا الجنه ولكنه يروح لزمهرير=اما عمل يمناه والا انه نصيبه دبره شف شاعر السحمان ميت ومتولجه الامير =من كبر حظه من بعد موته لقاء من يذكره ههههه صياف من طاح في ايدين الثلاثي ماتحرى للعصيّر = من مات منهم مات والناجي على الوجه اغبره الكبتن اعيونه سما والطايره عيت تطير = الظاهر الليلة يبا الكبتن يروح بشفره الكابتن قدام تكبر هقوتك باالزاد ما تصبح خشير=صرتوا ثلاثه واربعه ولا ثلاثه وعشره الكبتن يسولف معك مرتاح باله والضمير =وإذا زعل صياف غيرنا المسمى منقره صياف العلم واحد ونتهى وشبك تلف وتستدير = مباقي الى نبعجه ونجيب قلبه وسحره الضاهر انك جيت يالكبتن مع الساقه تغير = ماقدمك الى حوش سجن الي خلافه مقبرة صياف ياكثر منهو يحسب إنه كاسب القسم الكبير=يضحك ليا سلم إنحره والموت الأحمر بظهره أنا غناوي والغناوي مايزعله الفقير=إن جابها مدت عسر قلت النظر باالميسره صياف انا على كل الدروب السود وصيت الخفير = من مر من حوله يكتف لي يديه ويخفره جعلك بخير الله يزودك وانت الك مال(ن) كثير = لكن ترى بالحال هذي كل مالك تخسره الكابتن أنته توصي مير أنا في غرفة الهانم سهير=وأنته تحرى العلم من قول الخفير وحرَره شارك مع المعنى عساك تفوز باالسيف الشطير=وكان السناني خاطبك في شطر واحد دوره صياف ارفع علومك للمنابر لاتوطي ياصغير = تراى أنا مشره عليك العلم يم القسورة أنا ماني محتاج لتدريب الي عقل(ن) بصير = الشعر لاجفت بحور القوم فيضت ابحره الكابتن ما شح غير العرف عندك ولا أنا مدي كبير=وإن قل علمك لا تذم الناس والرب إشكره هذاحسب ظنك لكن العلم يا صياف غير=تفاحة آدم ظيعت بصره وسبه لسفره صياف ماشح عرفك مير حديتك على الدرب القصير = وحولتها تحويلت (ن) قشرا ولافيها ثمرة من غلطت التعليم عياء الطالب يخاف المدير = ليتك لحقت اسنين يوم الحاجتين بمسطره الكابتن الأندلس ما تذكرألا طارق وموسى نصير=هذي حقيقه ما علينا من علوم الثرثره إن عودت للجد حظك صقر ما يقدر يطير=إن طار حولك وإن وكر وقع على راس شجره صياف الأندلس هلحين فيها صوت طار ودق زير = فيها الكبار مصغره فيها الصغار مكبره ان عودت للجد علمك غير والمظمون غير = راجع ضميرك والكلام الي كذا لاتظهره الكابتن تصدق وزيدك علم حتى البدو ما تعرف المضير=والبدو قبل سنين راحت في يديها تعصره تبيني أقول الك شيخ القوم ولسانك خطير = وأضحك على لحيتك وأسوي عليها زمجره صياف البدو تبقى بدو تسكن في قصر والا حصير = وانته تزري والتزري ماجهلنا بخبره اضحك على لحيت ضعيف العقل قله ياعوير = يمكن يصدق وانت لامنك ضحكت اله اشعره صح اللسانك يالكابتن وصح اللسانك ياصياف مبدعين لله دركم |
صح السنتهم
وليت المراقبين كلهم نفسك يا قسوره الغاب |
صح لسان الشاعرين عزالله انهم مدرسه شعريه
والله يعطيك العافية يالقسورة على التنسيق |
مشكور يا قسورة الغاب على التنسيق
وهذه من أجمل المحاورت التي مريت عليها بالمنتدى وهي بين شعراء كبار وبيض الله وجيهم |
محاورة راااااااائعة وشعار كبار
مشكوووور يالقسورة |
انا اعتبرها من افضل خمس محاورات مرت على شبكة عبس قوه في تركيب الابيات وفي النقض والفتل صح لسان الشاعرين
|
صح لسانك يالكابتن انا اشهدنك شاااعر سجل عجابي
|
بسم الله الرحمن الرحيم
محاوره قيّمه وفيها من الابداع الشئ الكثير اشكر الشاعر الكابتن والشاعر صياف علي هذا الطاروق الرائع واذا سمحتولي احلل هذه المحاوره سأكون سعيد بهذه الموافقه لانها محاوره تستحق تسليط الضوء عليها اخوكم / المجهر |
| الساعة الآن +4: 09:08 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
