السلام عليكم ورحمة الله وبركاته


اخواني اعضاء منتديات قبائل
بني رشيد وزوارها الكرام ..

هذه قصيده موجهه لي من الشاعر المعروف
/ ناصر صويان الشويلعي



(( يقول ناصر ))

عسى السحاب اللي له ارعوده تسـوق=وسيـل(ن) عـلـى ماقـيـل يقـفـاه ديـمـه
يسقـي ديـرنـا يامـهـل يـابـن مــرزوق=وتنبـت وتخضـر عقـب كانـت حميـمـه
ديـار ربـع(ن) تحتـمـي شـمـخ الـنـوق=يومـنـهـا بـيـن الخـصـيـم وخصـيـمـه
لـو كـان راحـوا مـاذكـر فيـهـم طـقـوق=ولاذكـر فيـهـم مـن سـعـى بالظلـيـمـه
والـيـوم انــا لـيـه مشـاريـه وحـقــوق=عـليـك يـالـلي نـظـرتـه مستـقـيـمه
يابـن عريجـه كـل راس(ن) بـه فلـوق=لاكــان يـوجـد بـيـن الاجـــواد شـيـمـه
سمعت انا ناس(ن) لها علوم وشـدوق=اهـــل الـقـلـوب الـحـاقــده والنـمـيـمـه
تجمعـوا فـي مجلـس(ن) شبـه مغـلـوق=وكـل(ن) ركـب منهـم عميـمـه طميـمـه
هـــذا يـحــش بـــذاك وذاك مـطـفــوق=ومـصـادر التفكيـر مـنهـم عـقـيـمـه
والعلم واضح كل نـاس(ن) لهـا فـروق=وكــل(ن) إلــه بـيـن الرجاجـيـل قيـمـه
ومن صاحب اهل السوق تلقاه بالسوق=هــذا هـــو الـحـاصـل يـمــال الغنـيـمـه
والصيـده اللـي علـقـت فــوق معـلـوق=قــدم الـمـلا حـطـت لاهـلـهـا ولـيـمـه
ماتـشـبـع الـجـايـع ولـكــن لــهــا ذوق=عـنـد الخـبـول اهل العلوم القـديـمـه
زلـت وراحـت مـن وراء قبـر فــاروق=وفــازوا بـهـا اهــل القـلـوب اللئـيـمـه
لاتقـول صبـر وكــل مـطـرود ملـحـوق=السـالفـه راحــت وذبــت خـريـمــه
وكم ثوب في تال الزمن صار مشقـوق=وعــزاوي(ن) مـثـل صـيـاح اليتـيـمـه
والشجـره اللـي مالهـا جـذع وعــروق=لـونـهـا عــاشـت ومـاتــت عـقـيـمـه
وتمـت بـذكـر الـواحـد المعتـلـي فــوق=اهـو الــذي يحـيـي العـظـام الرمـيـمـه

عسى الخيال اللي به الخير مرفوق = وتخيله البدوان والله عليمه
ماينحصر من (( زرب ناصر )) اليا الطوق = يظفي من الساحل الى اقصى رحيمه
وبله حقاق بروقه بسدها بروق = يفضح سناها كل ليله بهيمه
تنبت مقاديمه زبيدي ورقروق = وتشبع رعايا كل شاوي مقيمه
من شان ابو خالد ليا ذب طاروق = يروي تماثيله نديم لنديمه
يرتاح باله قبل لا يقول ويروق = ماتدفعه بعض العلوم الذميمه
يابن شويلع هرجتك مالها عوق = وسيمتك ياحيها من وسيمه
وشرهتك ياناصر على الراس والموق = قدرك ومنزالك على شداد ريمه
ولوكان مالشمسي على العالم شروق = لكن حسب عرفي بنيه سليمه
من صاح بالعربان بالحق مخنوق = عين الخطا تنظر والاخرى كريمه
فيه الطفاقه والجهل طاق مطبوق = مثله مثل غيره علومه سقيمه
وربعك مجالسهم حشى مابها ظوق = فيها رحابه للعقول الحكيمه
شرواك ماهو عن هل الطيب مفهوق = وراع الوفا يضيمني مايضيمه
برواحنا دم الحميا له عروق = وراع الردى ماله وقار وحشيمه
نشره على الطيب ولا نقبل البوق = ونشره على الغربي لا ذعذع نسيمه
يسوق خير .ن. باول العلم منسوق = وصفه يولع بالحنايا ضريمه
برقه يذكر قلب عاشق بمعشوق = تذكر عليه الذكريات القديمه
عسى ( مواخيره ) بها الخير مسبوق = تاخذ ثمان شهور ( عشبه وغيمه )
المزن كف الحر وثعوله سبوق = بأمر الكريم اللي يدينه كريمه
واطلب .. عسى وجهك من النار معتوق = الله لايجيب العواقب وخيمه