قبيلة بني رشيد - يمه تعبت

يمه تعبت مـن الزمـن والغرابيـل
يمه تعبـت اشيـل همـي لحالـي
البال ضاق وباد من حملـي الحيـل
هـدت عزومـي جايـرات الليالـي
شوفي جروحـي بالحنايـا مداهيـل
وشوفي شقاي اليوم صايـر ظلالـي
اشرب همومي مثل شرب الفناجيـل
الحزن كيفـي والمواجـع دلالـي !
سنين تمضي كلها ويـل فـي ويـل
وشهو بقى ماشاف قلبـي وبالـي ؟
جـداي دمعـي والقلـم والتماثيـل
ضايق فؤادي والزمن مـا صفالـي
ارسم أماني العمـر لاطـرّف الليـل
وأصبح وحلمي مات قبل الزوالـي !
وحظي تردا صايبـن سيـره الميـل
انخاه ولكن ما يجيب النـدا لـي !!
الصدر ضاق وفاض من صبري الكيل
لا الهـم زال ولا تحقـق منـالـي
واصحابي اللي هملوني بها الويـل
راحوا وانا موتـي ينـادي تعالـي !
يوم انهدم قصري ولابـه تساهيـل
شرهة يميني تاصلك يـا شمالـي !!
من بعد ما كانـت يمينـي مناديـل
لدموعهم وافنيت حالـي ومالـي !!
وارسم لهم خط الامـل بالتفاصيـل
واشيل حملـن ماتشيلـه جبالـي !!
قفوا بلا اسباب مـن غيـر تعليـل
لاصوت يسمع ولاجواب لسؤالـي؟!
الله يعـوض خاطـري فالمقابـيـل
ويعوضني عن كـل شـيٍ جرالـي
يمه انا برجـاك يـا قبلـة الجيـل
مافيه غيـرك مـن يحاتـي لحالـي
لاتسأليني ليه ماعـاد بـي حيـل ؟
هدت عزومـي جايـرات الليالـي !

(الشاعرة النادره الدوسريه)