قبيلة بني رشيد - محاوره .. عايض القرني ... وتركي الميزاني

فنون من النقض والفتل والابداعات الشعريه صاغتها حرفنة وابداع رمز الأداب

والشعر والعلم وأحد أمهر دعاة العصر الشيخ الدكتور عائض القرني بعد أن

استطاع الموهوب والشاعر الجماهيري الكبير تركي الميزاني أن يحرض موهبة

الدكتور القرني ليخرجا بهذه المحاوره الرائعه والمذهله بابدعات العمالقه فمنهم

الابداع وعلينا الاستماع :

سلام يارمز الأدب والدين وبحور القصيد

يااللي بنيت أمجاد وصروحا ما تمحاها السنين

انت أكبر عطايا وقتنا وأغلى الرصيد

ولا أقول غير الله يخليكم ذخر للمسلمين

أهلا هلا بالشاعر المقدم والشهم الرشيد

في حضرتك ننثر سنابل كادها والياسمين

اليا ذكر تركي ذكرنا قصة القول المفيد

أقطف زهور الورد من شعره على مر السنين

الله يبارك فيك يااللي كلما زادوا تزيد

وتبني من الا شعار ما تذهل عقول السا معين

النار فاتح بابها والموت في حبل الوريد

لكن متى تصحى قلوب الغافلين النايمين

ذكرتني بالنابغة والبحري وابن العميد

مجالس المأمون في بغداد وأيام الأمين

معاوية نمدح علومه مير ما نمدح يزيد

وش لون نمدح من توهق حيل في قتل الحسين

هذي شهادة والشهادة منك يادكتور عيد

نبي تعلقها على جدار الزمن للتابعين

أحد بها الدنيا شقي وأحد بها سعيد

تمر دورات الزمن والعافية للمتقين

أبي أرسل الأشواق لكن كيف يحملها البريد

أحسن نوصلها وليلة عيد شوق الطيبين

أرجوك خبر كل مخذول وشيطان مريد

قبر الغزاه ديارنا وحنا عيال الفاتحين

ضاعت حلول المشكلة ياشيخنا مابه جديد

الا غرور أهل اليسار وصمت أصحاب اليمين

مدري نقول لما مضى من وقتنا ليته يعيد

والا عليك نهل كل الدمع يابدر وحنين

الياس ذنب وعندنا أحفاد المثنى والوليد

والشبل من ذاك الأسد وأرض الوطن كله عرين

من يعتصم بالله ربه عاش في عمر سعيد

يبشر بحفظ الله له ويكون في حصن حصين

حنا بلشنا بالقريب اللي عرض دون البعيد

ياصعبها لا حولت مابين خشم وبين عين

الجرح مبطي ما برى والصبر ذاب مع الجليد

ولا أقول غير الله يعين القانتين الصابرين

حنا تعودنا على طحن الحجارة والحديد

ولا نخاف الموت لنا للجنان مسافرين

عدونا والله مايحميه زيد ولا عبيد

على جماجمهم نشيد مجدنا الباهي المتين