|
قصيده المقناص في وصف الطير والمقناص مشاركتي م 2
السلام عليكم ورحمة الله وبركاته الولاً اشكر القايمين على هذا لصرح الشامخ من الداريين ومشرفين ومراقبين واعضاء كماء اشكر صاحب هذه الفكره التنافسيه الراقيه واشكر رجل لأعمال الممؤل واراعي الرسمي لها ويسعدني ان اشترك بهذه المسابقه مع اخواني الشعراء وبماء ان هذه المسابقه لم تشترط شعرً معيناً لهذه المسابقه واحنا بوقت تدريب الصقور للأستعداد للمقناص هذي مشاركتي في الموسم 2 http://almzaji.jeeran.com/100_1458.jpg هذا الحر(وضاح الي له القلب يرتاح) لاوالله الا تو مابالي انساح=يوم ان مزن الوسم لاحت بروقه وراع الولع يجيب للطير ملواح=غير له البرقع وجدد سبوقه وانابعد بالمثل جهزت وضاح=يعوق خرب(ن)وان تعذر لحوقه ناب الثنادي والجناحين نزاح=ادعج تقول مخضباتْ اشنوقه كاشف تقل بين الجناحين مصباح=اشقر تقل جمر الغضى حط فوقه افجح وسيقانه قصيرات ذباح=ضربات كفه ماتخيط فتوقه نبي على المقناص مع فج الاصباح=قبل شعاع الشمس يبدا شروقه مع ربعت(ن) شفقين عجلين ولحاح=كل(ن) على المطلاع نفسه تسوقه من فوق شهب(ن) لجرد الخد تجتاح=اسبق من الشيهان مومي اخفوقه نباء الديار الي محاني وصحصاح=شرقي شمال مريط بقصى عروقه شمال من فيحان وغرب ام رماح=جنوب من الانبط وعقرب والوقه يم الديار الي لها القلب يرتاح=هي منوة الصقار شفه وذوقه فيها الحباري بين ممسى ومصباح=في وسط سدر(ن) كل نبقه تذوقه ياحلو جرتهاتقل نظم مسباح=بين العرافج مثل مشي السروقه يبرا لها خربْ(ن) تقل لون تمساح=هذا يقطع له وهذا يسوقه ليا من طارن لجوا الصوت بصياح=ووضاح جاهز ثم فكوا سبوقه واحد تعلى بالسماء وواحد(ن) طاح=وضاح يم الي تعلى يعوقه وشوي في كفه يلولح تلولاح=مره يجي تحته ومرات فوقه ثم اجتمعنا في تعاليل ومزاح=وفنجال بن(ن) للنشامى نسوقه هذي حلات العمر والي مضى راح=نفسي على حب النشامى شفوقه |
إقتباس:
لكن الصقر هذا متى سميته بهذا الاسم قبل تعرف وضاح اليمن والابعد بس اعتقد انه قبل هههههههههههههه |
صح لسآنك
مع تمنيآتي لك بالتوفيق |
صح لسانك يابوو فهد قصيده رائعه
وفالك التوفيق |
عبيد دعيع سعدنا بمشاركتك
الوافيه والجزله وصف يفوق الخيال صح لسانك ونتمنى لك التوفيق |
رائعه بلا شك بما ان فيها وضاح والحباري
والطير ولع لصاحبه وقصص الطيور كثيره وعجيبه صدقني مره قنصت مع أهل صقور ولقينا كراويل بعد شق الانفس وتمتعنا بالرحله أما اذا لم تجد حباري أو كراويل فالتعب مضاعف والله يوفقك وصح الله السانك |
صح الساااااااااانك
|
قصيدة جزله من شاعر جزل
عشق الطير والقنص .. وجاء وصف الطير بهذه القصيدة وحب الطير اكيد غالي على راعية .. صح السانك .. |
| الساعة الآن +4: 06:11 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
