لبى الهواتف كلها وحي الارسال=يومك سألت وقلت لي كيف حالك
ياماجد الغالي ترى حالتي عال=مرتاح جعلي فدوتاً لاتصالك
مانته ولد عمي ولانته ولد خال=لاكنك اقرب صدق والطيب فالك
رجال يمدح ياجماعة برجال=هذي حبالي شدها مع حبالك
بالطيب وعلوم المراجل والابطال=هذا وصالي دام هذا وصالك
تراك قد القول وافعالك افعال=ترهي يمينك ثم ترهي شمالك
ياجعلهم يفدونك الناس الانذال=ناساً تفرق بين عمك وخالك
العلم غانم والغلا بالحشا جال=لاجلك ولاجل رضاك كلي فدالك
ماجيتك مجامل ولاجيت دجال=جيتك وانا ممنون جد لسؤالك
ياماجد الغالي ترى حالتي عال=مرتاح جعلي فدوتاً لاتصالك
لبى سوا ولبى موبايل والارسال=يومك سألت وقلت لي كيف حالك