يارفيقي الليالي تلف وتستدير=كل مادارت تعلمت انا منها دروس
علمتني بالكثير وبقاء شيً كثير=لو بعض دروسها لا فهمته حد موس
والله اني داري اني ماشفت الا اليسير=جيت عساس الربيع وتعديت العسوس
ليتني نشدتهم ثم كملت المسير=دام هالراس بعيونه وللاجساد روس
أحسبني طول دربي بممشايه خبير=مادريت أني على جرة البارح أدوس
غلطتي قدام لغلط ماشاورت الشوير=الي بشورة على كل من حوله يروس
ثم من جهلي تماديت للدرب العسير=أحسبني طيلت الدرب محمي ومحروس
لين وافيت المشاريه بالشوط الاخير=والمصيبه اقرب الناس أول من يحوس
أتصبر كني الطير ورغب بالمطير=رفرف جناحه لكنه بالاقفاص محبوس
ماغبني غير علمن يطريه الشرير=الذي يلبس من الخبث ضافيت اللبوس
أن فقدني قال فيه علومن ماتصير=وان لقاني راح مني وهو وجهه عبوس
علموه ان قال توه على الحكمه صغير=بالاصل منهو على شان ينشد ثم يقوس
الكبر بالعقل والا الجرم جرم البعير=والبعير معقلن لا يهبد ولا يدوس
يا أبن أدم ما بحيلتك تحديد المصير=الله اعلم في مصير الاوادم والنفوس
قبل لاتحكم على الناس أبصر يابصير=وحمد الله وشكره ثم بوس يديك بوس
والليالي دايره بالغني وبالفقير=احدن يزرع غروسه واحد يشري غروس
أستعيذ الله من شرور أموات الضمير=عالمن باعت ذممها على شان الفلوس

اقتباس من مشاركة عبس404 (المشاركة 1853626) أستعيـذ الله مـن شــرور أمــوات الضمـيـر عالمن باعت ذممها علـى شـان الفلـوس بيض الله وجهك وصح لسانك قصيده جزله يا بان صبح

منصور بن صبح

صح اللسانك ملايييييين
جزله وووافييييه قلبت ملفات الزمن والمواجع
وراجععععت الذكريات خطوه خطوه
مبدع وعااااااايشت وياك تلك المرحله....

اللك تحيييياتيي : حمود البراهيم (العميل السري)





http://img102.herosh.com/2010/09/09/569840569.gif