يا ذيب
 

السلام عليكم

مبارك عليكم الشهر

اضع هذي القصيده عل تشفع لي عن الغياب


[poem=font="simplified arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياذيب ياللي على المرقاب تقنب ياذيب =حرمت عيني لذيذ النوم سبة عواك
وش جاك يومك على المرقاب تقنب قنيب = هو جوع والا بعد ماكد دهاني دهاك
هو انت ياذيب مثلي ذقت فرقا الحبيب = اللي تمكن غلاه بوسط خافي حشاك

قبلك حسن من فراق الزين ينحب نحيب = اظلم سمايه من افراقه وصافي سماك
ياذيب ابعمل معك صحبه واحطك نديب = ابشر بعد كل ليله من يميني عشاك
ياذيب ابرسلك يمه عل منه تجيب = علمٍ يريح ضميري كان علمه عطاك
انت الموكل واعرفك ما تخون الصحيب = قله حسن ينقل اجروحه سبايب هواك
اجروح قلبه عجز فيها علاج الطبيب = لا خاط له جرح عود وانفتق من غلاك

تعال عالج جروحه يالبعيد القريب = حسن جروحه سببها يا حبيبه جفاك
ارحم طريح العيون اللي سهمها عطيب = بلسم كفوفك علاجه لا تشح بدواك
يسري به الهجس والذكرى ياعين الربيب = ويصور اللي مضاله قدم عينه معاك
ماهو بسالي ولا ناسي لوانك تغيب = يكفيك ماراح من عمره وهو ما نساك
لو كان عيا يقربكم قوي النصيب = لازلت في عيون من حبك هذاك الملاك
[/poem]

حياك الله ياحسن
والحمد لله على السلامه

وكل عام وانت بصحة


وصح لسانك

وبسض الله وجهك

حياك الله ياحسن قصيده جزله

من شاعر جزل امتعتنا يالذيب

الله يرزقك شوفته هههههه

حياك الله ياحسن
والحمد لله على السلامه

وكل عام وانت بصحة وسلامه


وصح لسانك

حياك الله يالوطري

وصح لسانك

قصيده جزله من راسً جزل

لاتحرمنا من جديدك

حسن الوطري
صح السانك وعتلا شانك

قصيده رايعه من شاعرً متميز

تقبل مروري

( يكفيك ماراح من عمره وهو مانساك )

حسن الوطري 00
أنت شاعر ولامست جرحي بهذه القصيدهالجزله
ولايكفيه ماراح من العمر 00
تحياتي لك الدربيل

ذكرتني بقصيدة الشاعر مساعد الرشيدي:

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ياذيب ياللي بالحنايا لك قنيب=أتلفتني بعواك يامال التلف[/poem]