قبيلة بني رشيد - انا ويا الشمال..

.
..

انا وياك ودي بس قلبي وين أنا وياك
انا ويا الشمال اللي قلعني لين خليتك
.
لعل موادعك يشره علي ويستحيل رضاك
علا شان أعرف اني وسط قلبك ما تعديتك
.
أبي غيض تلضّى منه شره دمعتك وشفاك
أبي لا شفتك بعيني على كبرك تشاويتك
.
ابكسر كل حد فيك بجرح.. مت من فرقاك
ابي لا من جلست لحالي اجلس ما تمنيتك
.
ولكن يا شريف القصد زد جرحي وهات اقصاك
انا ادمنتك ويرفع هامتي لا من تعاطيتك
.
تهادف لعنبو ذكراك ليلياً علي هناك
اصد وكلما صديت عن ذكراك لاقيتك
.
ويلفي من طوارف نجد غيمٍ مر من يمناك
تخلل بين اصابعك وتلطف من ندى صيتك
.
افز لجيته وانخاه حول مرحباً حياك
تنزّل حوّل اتعب لك لو اقدر جيتك.. جيتك
.
انا مدخلك باللي كونك وسط السماء واعلاك
تراك ان رحت ما ذقتك وداعبتك وضميتك
.
ذبحت اللي نطحك وجيت له يا سيدي واهداك
من عيونه رجا خواك وان حوّلت خاويتك
.
ولكنه يودعني بدمع فيه من حسناك
ليا ودعتني بالدمع واعطيتك ولا اعطيتك
.
انا ابشر فدوتك وفداك حتى دمعتي تفداك
ولكن خلها لا صرت بلحالي وطرّيتك
.
ابنثرها بعيداً عنك حتى تنتهي وانساك
ولكن لا نسيتك غصب جبت اسمك وناديتك
.
لو ان العمر يقضي بين قوله هات والا هاك
تخير هاك قلبٍ كلما لبّاك لبيتك

.
..
...

اسم القصيده وقائلها :
" انا ويا الشمال.. "
للشاعر المبدع // فهد بن محمد السيّاري